এগৰাকী হিন্দু যুৱকে এগৰাকী মুছলমান যুৱতীৰে প্ৰেমৰ অন্তত বিবাহপাশত আৱদ্ধ হোৱাৰ পিছতে এতিয়া মৃত্যুৰ আশংকাত ভুগিছে৷
উল্লেখ্য যে প্ৰেমৰ অন্তত ৰাজস্থানৰ ভৰতপুৰৰ নৰেন্দ্ৰ ছাইনী আৰু নাগমাই যোৱা ২২ ফেব্ৰুৱাৰিত আদালতত বিবাহপাশত আৱদ্ধ হয়৷ এই বিবাহত ক্ষুব্ধ হৈ পৰে নাগমাৰ পিতৃৰ পৰিয়ালৰ লগতে স্থানীয় সমাজ৷
দম্পতীদ্বয়ে অভিযোগ কৰাৰ মতে বিবাহৰ পিছৰে পৰা তেওঁলোক প্ৰাণৰ সংশয়ত ভুগিবলৈ আৰম্ভ কৰিছে৷ নাগমাৰ পিতৃৰ পৰিয়ালে তেওঁলোকক দুয়োকে হত্যা কৰাৰ ভাবুকি দিয়াই নহয় হত্যাৰ চেষ্টাও কৰিছে বুলি প্ৰকাশ কৰিছে৷
লগতে পঢ়ক বেংকৰ পৰা ৩৫ লাখ টকা লৈ উধাও ১০ বছৰীয়া শিশু! চিচিটিভিত কেমেৰাত বন্দী দৃশ্য
প্ৰাণৰ সংশয়ত ভোগা দম্পতীদ্বয়ে বিষয়টো সম্পৰ্কত ইতিমধ্যে ভৰতপুৰ জিলা উপায়ুক্তৰ কাৰ্যালয়ত উপস্থিত হৈ এক অভিযোগো দাখিল কৰিছে৷
স্বামী নৰেন্দ্ৰ ছাইনীৰ সৈতে নাগমাই জিলা উপায়ুক্তৰ কাৰ্যালয়ত উপস্থিত হৈ অনুৰোধ কৰি কয়— ‘‘চাৰ মই মুছলমান আৰু মই হিন্দু ল’ৰাক বিয়া কৰাইছো কিন্তু এতিয়া মোৰ দেউতা আৰু মোৰ ধৰ্মৰ মানুহবোৰ আমাৰ শত্ৰু হৈ পৰিছে। আমাক দুয়োকে হত্যা কৰিব বিচাৰিছে। মই গৰ্ভৱতী, গতিকে মোৰ জীৱন আৰু মোৰ গৰ্ভস্থ সন্তান আৰু স্বামীৰ জীৱন ৰক্ষা কৰিবলৈ নিৰাপত্তাৰ ব্যৱস্থা কৰা উচিত।’’
ইফালে ২৮ জুলাইত নৰেন্দ্ৰ ছাইনীয়ে গৰ্ভৱতী পত্নী নাগমাক দেখুৱাই চিকিৎসালয়ৰ পৰা বাইকেৰে ঘৰলৈ গৈ থকা অৱস্থাত নাগমাৰ পৰিয়ালে অ’টোৰে খুন্দা মাৰি কৰি হত্যা কৰাৰ চেষ্টা কৰা বুলিও অভিযোগ কৰিছে।
লগতে পঢ়ক অসমবাসীৰ বাবে সুখবৰ: কমনৱেলথ গেমছৰ ছেমিত প্ৰৱেশ ধিং এক্সপ্ৰেছ হিমা দাসৰ
তেওঁলোকৰ দাবী যে এই আক্ৰমণৰ সমগ্ৰ ঘটনাটো চিচিটিভিৰ ফুটেজত বন্দী হৈ আছে। CCTV ফুটেজত দেখা গৈছে যে কেনেকৈ নাগমা আৰু তেওঁৰ স্বামীয়ে নিজৰ জীৱন ৰক্ষাৰ বাবে দৌৰিছে আৰু নাগমাৰ দেউতাকে পিছফালৰ পৰা অ’টোৰে খুন্দা মাৰিবলৈ চেষ্টা কৰিছে।
ইফালে অতিৰিক্ত জিলা উপায়ুক্ত বিনা মহাৱাৰে জনোৱা মতে, স্বামী-স্ত্ৰী দুয়োজনে পিতৃ পৰিয়ালৰ সদস্যৰ পৰা হত্যাৰ ভাবুকি পাই প্ৰাণৰ শংকাত থকা বুলি আবেদন জনাইছে। জিলা প্ৰশাসনে জিলা আৰক্ষী অধীক্ষকলৈ এখন পত্ৰ প্ৰেৰণ কৰি স্বামী-স্ত্ৰীৰ জীৱনৰ নিৰাপত্তা সুনিশ্চিত কৰিবলৈ পত্ৰ প্ৰেৰণ কৰা বুলি সদৰী কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
