কেন্দ্ৰীয় গৃহমন্ত্ৰী অমিত শ্বাহৰ শিৰত ফুল ছটিয়ালে একাংশ মুছলমান মহিলাই৷ শুকুৰবাৰে গৃহমন্ত্ৰী অমিত শ্বাহে ভূপালৰ এক ৰ’ড শ্ব’ত অংশগ্ৰহণ কৰাৰ সময়ত মুছলমান মহিলাসকলে গৃহমন্ত্ৰী অমিত শ্বাহৰ শিৰত ফুল ছটিয়ায়৷
মধ্য প্ৰদেশৰ মুখ্যমন্ত্ৰী শিৱৰাজ চৌহানেও অংশগ্ৰহণ কৰা প্ৰায় দুই কিলোমিটাৰ দৈৰ্ঘ্যৰ এই ৰ’ড শ্ব’টোৰ সময়তে মধ্য প্ৰদেশৰ স্বাস্থ্য মন্ত্ৰী বিশ্বাস সাৰংগই জন্মু আৰু কাশ্মীৰৰ পৰা অনুচ্ছেদ ৩৭০ প্ৰত্যাহাৰ কৰাৰ বাবে অমিত শ্বাহক প্ৰশংসা কৰাৰ লগতে স্বাগতমো জনায়৷
ৰাজ্যখনৰ স্বাস্থ্যমন্ত্ৰীগৰাকীয়ে লগতে কাশ্মীৰৰ পণ্ডিতসকলেও জন্মু আৰু কাশ্মীৰৰ পৰা অনুচ্ছেদ ৩৭০ প্ৰত্যাহাৰ কৰাত সন্তুষ্টি প্ৰকাশ কৰা বুলি সদৰী কৰে৷
লগতে পঢ়ক ভয়ংকৰ বোমা বিস্ফোৰণ : শিশু-মহিলাসহ ৩৩ গৰাকীৰ মৃত্যু, আহত ৪৩ গৰাকী
ইয়াৰ পিছতে মুছলমান মহিলাসকলে তিনি তালাক বন্ধ কৰাৰ বাবে গৃহমন্ত্ৰী অমিত শ্বাহৰ শিৰত ফুল ছটিয়ায়৷
ৰ’ড শ্ব’ত সমাপ্ত কৰি কেন্দ্ৰীয় গৃহমন্ত্ৰীগৰাকীয়ে মধ্য প্ৰদেশৰ ৰাজ্যিক বিজেপিৰ কাৰ্যালয়ত উপস্থিত হৈ দলীয় কাৰ্যকৰ্তাৰ সৈতেও মিলিত হয়৷ ৰাজ্যিক বিজেপি কাৰ্যলায়ত কেন্দ্ৰীয় গৃহমন্ত্ৰীগৰাকীয়ে দীনদয়াল উপাধ্যায়, ৰাজমাতা বিজয়াকাজে সিন্ধিয়া আৰু কুশাভক্ত ঠাকৰে আদি বিজেপিৰ দিগগজ নেতাসকলৰ প্ৰতিমূৰ্তিত মাল্যাপৰ্ণো কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
