জানেনে, তিৰুপতি বালাজী মন্দিৰৰ সেই আচৰিত কথা, বৈজ্ঞানিকে আজি পৰ্যন্ত পোৱা নাই ইয়াৰ সমাধান
ভাৰতবৰ্ষ বুলিলেই বহু মঠ-মন্দিৰৰ ভুমি। ভাৰতৰ প্ৰতিটো প্ৰান্ততে পোৱা যাব বিভিন্ন মন্দিৰ। এই মন্দিৰৰ বোৰৰ ভিতৰত আকৌ আছে কিছুমান এনে মন্দিৰ যি মন্দিৰৰ কিছুমান আচৰিত কথাই ভক্তক অধিক আকৰ্ষণ কৰে। যাৰ সমাধান আজি পৰ্যন্ত বৈজ্ঞানিকে বিচাৰি পোৱা নাই।
এই ৰহস্যময় মন্দিৰসমূহৰ ভিতৰত অন্যতম হৈছে দক্ষিণ ভাৰতত অৱস্থিত ভগৱান তিৰুপতি বালাজীৰ মন্দিৰ। ভগৱান তিৰুপতী বালাজীৰ অলৌকিক আৰু ৰহস্যময় মন্দিৰ ভাৰতকে ধৰি সমগ্ৰ বিশ্বতে বিখ্যাত। ভগৱান বিষ্ণুৰ প্ৰতি উৎসৰ্গিত এই মন্দিৰটো ভাৰতীয় স্থাপত্য আৰু কাৰুকাৰ্য্যৰ এক উৎকৃষ্ট নিদৰ্শন। অন্ধ্ৰ প্ৰদেশৰ চিত্তুৰ জিলাৰ তিৰুমালা পৰ্বতত অৱস্থিত এই সুন্দৰ মন্দিৰটো ভাৰতৰ অন্যতম প্ৰধান তীৰ্থস্থান।
বৰ্তমানে এই মন্দিৰৰ প্ৰসাদ হিচাপে ভক্তৰ মাজত বিতৰণ কৰা লাড়ুত জন্তুৰ চৰ্বি উদ্ধাৰৰ বাবে বিতৰ্কৰ মাজত। অৱশ্যে সেই বিতৰ্কৰো অন্ত পৰাৰ দিশে অগ্ৰসৰ। সেই তিৰুপতি মন্দিৰতেই নিহিত হৈ আছে কিছুমান আচৰিত কথা।
ভগৱান তিৰুপতি বালাজীৰ প্ৰকৃত নাম শ্ৰী ভেংকটেশ্বৰ স্বামী যি স্বয়ং ভগৱান বিষ্ণু। ধৰ্মীয় বিশ্বাস অনুসৰি ভগৱান শ্ৰী ভেংকটেশ্বৰ পত্নী পদ্মৱতীৰ সৈতে তিৰুমালাত বাস কৰে। ভক্ত ভেংকটেশ্বৰক সঁচা অন্তৰেৰে প্ৰাৰ্থনা কৰা ভক্তসকলৰ সকলো ইচ্ছা পূৰণ হয় বুলি বিশ্বাস কৰা হয়। ভক্তসকলে নিজৰ ভক্তি অনুযায়ী ইয়ালৈ আহি তিৰুপতি মন্দিৰত চুলি দান কৰে।
কোৱা হয় যে ভগৱান ভেংকটেশ্বৰ স্বামীৰ মূৰ্তিৰ চুলি সঁচা। এই চুলিত কেতিয়াও যোঁট নাবান্ধে আৰু সদায় কোমল হৈ থাকে। ভগৱান বিষ্ণু নিজেই ইয়াত বাস কৰে বুলি বিশ্বাস কৰা হয়। মন্দিৰৰ গৰ্ভগৃহত প্ৰৱেশ কৰিলে দেখা যাব যে ভগৱান শ্ৰী ভেংকটেশ্বৰৰ মূৰ্তি গৰ্ভগৃহৰ কেন্দ্ৰত আছে। কিন্তু আপুনি তাৰ পৰা ওলাই অহাৰ লগে লগে স্তম্ভিত হ’ব, কাৰণ ওলাই অহাৰ পিছত দেখা যায় যে ঈশ্বৰৰ মূৰ্তিটো সোঁফালে অৱস্থিত।
তিৰুপতী বালা মন্দিৰত ভগৱান ভেংকটেশ্বৰৰ মূৰ্তি অতিপ্ৰাকৃতিক। ইয়াক বিশেষ শিলৰ দ্বাৰা তৈয়াৰ কৰা হৈছে। এই প্ৰতিমূৰ্তি ইমানেই প্ৰাণৱন্ত যে ইয়াত যেন ভগৱান বিষ্ণু নিজেই বহি আছে। ভক্তই দাবি কৰা আনুসৰি, ভগৱানৰ মূৰ্তিত ঘামচি, ঘামৰ টোপাল আদি দেখা যায়। সেয়েহে মন্দিৰৰ উষ্ণতা কম ৰখা হয়।
প্ৰত্যক বৃহস্পতিবাৰে ভগৱান ভেংকটেশ্বৰৰ প্ৰতিমাৰ ওপৰত চন্দনৰ পেষ্ট প্ৰয়োগ কৰা হয় তাৰ পিছত এক আচৰিত ৰহস্য প্ৰকাশ পায়। ভগৱানৰ শৃংগাৰ আঁতৰা গা ধুই চন্দনৰ পেষ্ট লগাই এই পেষ্ট আঁতৰাই দিলে ভগৱান ভেংকটেশ্বৰৰ হৃদয়ত দেৱী লক্ষ্মীৰ মূৰ্তি দেখা যায়। শ্ৰী ভেংকটেশ্বৰ স্বামী মন্দিৰত সদায় এটা চাকি জ্বলি থাকে আৰু আটাইতকৈ চাঞ্চল্যকৰ কথাটো হ’ল এই চাকিত কেতিয়াও তেল বা ঘিউ ব্যৱহাৰ কৰা নহয়। ইয়াৰ উপৰিও কোনে প্ৰথমে কেতিয়া এই চাকি জ্বলাইছিল সেয়াও জানিব পৰা হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
