উত্তৰ পূবলৈ অলিম্পিকত মেডেল নাহিলেও পেৰালিম্পিকে ৰাখিলে নাক৷উত্তৰ পূবৰ পৰা হোটেজ ছেমাই দেশলৈ আনিলে ব্ৰঞ্জৰ পদক৷ৰাজ্য তথা দেশলৈ সন্মান কঢ়িয়াই অনা হোটেজ চেমালৈ ১.৫ কোটি টকা পুৰস্কাৰ মূল্য ঘোষণা কৰিছে নাগালেণ্ড চৰকাৰে৷ নাগালেণ্ডৰ মুখ্যমন্ত্ৰী নেফিঅ’ ৰিঅ’ই ঘোষণা কৰিছে এই পুৰস্কাৰ মূল্য৷ শনিবাৰে পুৰুষৰ শ্বট ফুট এফ ৫৭ৰ ফাইনেলৰ পেৰা মাল্টি ইভেণ্টত দেশৰ হৈ ব্ৰঞ্জৰ পদক আজুৰিছে হোকেট ছেমাই৷ হোকাটোৱে ১৪.৬৫ মিটাৰ শ্ব ফুট থ্ৰ’ কৰি ৰেকৰ্ড গঢ়িছে৷
নাগালেণ্ডৰ পৰা প্ৰথমগৰাকী পেৰালিম্পিকৰ পদকধাৰী হিচাপে তেওঁক লৈ গৌৰৱাম্বিত নাগালেণ্ড চৰকাৰ৷ নাগালেণ্ডৰ মুখ্যমন্ত্ৰীয়ে হোকেটক শুভেচ্ছা জনাই এক্স হেণ্ডেলত লিখিছে, ‘ আমি #ParalympicsGames in Shot Put ইভেণ্টত ব্ৰঞ্জৰ পদক জয় কৰাৰ বাবে Mr. Hokato Hotozhe Semaক অভিনন্দন জনাইছো৷ আমি তেওঁক লৈ গৌৰৱ আৰু আনন্দও অনুভৱ কৰিছো। তেওঁ ভাৰতক গৌৰৱান্বিত কৰাৰ লগতে নাগালেণ্ডকো বিশ্বৰ প্ৰেক্ষাপটত তুলি ধৰিছে। নাগালেণ্ডৰ পৰা প্ৰথম অলিম্পিক পদক বিজয়ী হোৱাৰ বাবে আমি অত্যন্ত সুখী৷ চৰকাৰে তেওঁৰ পুৰস্কাৰ মূল্য ১.৫ কোটি টকা আগবঢ়োৱা হ’ব৷’
খেলুৱৈগৰাকীৰ পদক লাভৰ পিছতে প্ৰধানমন্ত্ৰী নৰেন্দ্ৰ মোদীয়েও তেওঁক অভিনন্দন জনায়। নিজৰ অফিচিয়েল এক্স হেণ্ডেলত প্ৰধানমন্ত্ৰী মোদীয়ে হোকাটেক প্ৰশংসা কৰাৰ লগতে অভিনন্দন জনাইছে৷ এক্সত প্ৰধানমন্ত্ৰী মোদীয়ে লিখিছে, “আমাৰ জাতিৰ বাবে আৰু এটা গৌৰৱৰ মুহূৰ্ত৷ হোকাটো হোটোজে ছেমাই পুৰুষৰ শ্বটপুট এফ৫৭ত ব্ৰঞ্জৰ পদক দেশলৈ আনিছে৷ তেওঁৰ অবিশ্বাস্য শক্তি আৰু দৃঢ়তা ব্যতিক্ৰমী। তেওঁলৈ অভিনন্দন।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
