কৰ্কট কিয় হয়? ইয়াৰ কোনো নিৰ্দিষ্ট উত্তৰ কাৰো হাতত নাই৷ কাৰোবাৰ ধাৰণা কৰ্কট কেৱল বংশগত ৰোগ৷ কিন্তু চিকিৎসকে কৈছে অনিয়ন্ত্ৰিত লাইফষ্টাইলেও কৰ্কটৰ আশংকা বঢ়াই তোলে৷ অৰ্থাৎ বৰ্তমান অস্বাস্থ্যকৰ জীৱনযাপন কৰ্কটৰ অন্যতম ৰিস্ক ফেক্টৰ৷ কিছু কিছু বিষয় আছে যিসমূহে কৰ্কটত আক্ৰান্ত হোৱাৰ আশংকা বঢ়াই তোলে৷ বিশ্ব স্বাস্থ্য সংস্থা WHOয়ে কৈছে যে জীৱনৰ স্বাস্থ্যকৰ অভ্যাসসমূহে ৩০-৫০ শতাংশ পৰ্যন্ত কমাব পাৰে কৰ্কটৰ আশংকা৷ জাতীয় কেন্সাৰ সচেতনতা দিৱসতেই জানি থওক কৰ্কটৰ ৰিস্ক ফেক্টৰসমূহ কি কি?
ধূমপান এৰক
আমেৰিকান কৰ্কট ছচাইটিৰ মতে তামাকজাত দ্ৰব্যত প্ৰায় ৭০ টা কাৰ্ছিনোজেনিক উপাদান আছে৷ ধূমপানে কেৱল হাওঁফাওঁৰ কৰ্কটৰ আশংকাই নবঢ়ায়৷ মুখ, ডিঙি, পাচনতন্ত্ৰসহ শৰীৰৰ বিভিন্ন অংগৰ কৰ্কটৰ কোষ বৃদ্ধি পাব পাৰে ধূমপানত৷ সেয়ে কৰ্কটৰ পৰা হাত সাৰিবলৈ এইসমূহ অভ্যাস ত্যাগ কৰিব লাগিব৷
শৰীৰচৰ্চা কৰা জৰুৰী
দিনৰ ৮-৯ ঘণ্টা লেথাৰিকৈ বহি বা শুই থাকিলেও কৰ্কটৰ আশংকা বাঢ়িব পাৰে৷ শৰীৰ যিমান বেছি সক্ৰিয় ৰাখিব সিমানেই সুস্থ জীৱন কটাব পাৰিব৷ দিনত অন্তত ৩০ মিনিট ৱাকিং বা খোজকঢ়া, চাইক্লিং, যোগব্যায়ামৰ দৰে এক্টিভিটি কৰাটো দৰকাৰ৷ ইয়াৰ ফলত শৰীৰৰ হৰমনৰ ভাৰসাম্য বৰ্তি থাকে, ওজন নিয়ন্ত্ৰণত থাকে, প্ৰদাহ কমে আৰু ইমিউনিটি চিষ্টেম শক্তিশালী হয়৷ অবেচিটিৰ সৈতে কৰ্কটৰ যোগ আছে সেয়ে ওজন নিয়ন্ত্ৰণত ৰখা জৰুৰী৷
প্ৰক্ৰিয়াজাত খাদ্য এৰাই চলক
বৰ্তমান কৰ্কটত আক্ৰান্তৰ সংখ্যা বাঢ়ি যোৱাৰ অন্যতম কাৰণ হৈছে প্ৰক্ৰিয়াজাত খাদ্য৷ চেনী মিহলোৱা খাদ্য. বতলত ৰখা ছফ্ট ড্ৰিংকেও কৰ্কটৰ আশংকা বঢ়াই৷ কৰ্কটৰ সৈতে যুঁজ দিবলৈ সেয়ে তাজা ফল, পাচলি বেছিকৈ খাওক৷ ইয়াত প্ৰচুৰ পৰিমাণে এণ্টিঅক্সিডেণ্ট থাকে, যিয়ে কোষৰ ক্ষয় প্ৰতিৰোধ কৰে৷
এলক’হল এৰাই চলক
নেশ্ব্যনেল কেন্সাৰ ইনষ্টিটিউটৰ মতে যিমানেই নিয়ন্ত্ৰণত মদ্যপান নকৰক কিয় মদ্যপানৰ ফলত স্তন, লিভাৰ আৰু কলন কেন্সাৰৰ আশংকা বাঢ়ে৷ শৰীৰত এলক’হল ভাঙি এছিটালডিহাইডলৈ পৰিণত কৰে৷ ই এক বিষাক্ত ৰাসায়নিক যিয়ে ডি এন এৰ ক্ষতি কৰি আৰু কেন্সাৰৰ আশংকা বঢ়ায়৷ আনকি মাজে মাজে মদ্যপান কৰিলেও কৰ্কটৰ আশংকা তৈয়াৰ হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
