অঘটন, ৰাজপথতে আততায়ীৰ আক্ৰমণত নিহত NCPৰ নেতা
মহাৰাষ্ট্ৰৰ বিধানসভা নিৰ্বাচনৰ পূৰ্বে পুনেৰ পৰা পোহৰলৈ আহিছে এটা ডাঙৰ গোচৰ। ইয়াত অজিত পাৱাৰৰ প্ৰাক্তন এন চি পি কৰ্পৰেটৰক গুলীয়াই হত্যা কৰা হয়। নেতাগৰাকীৰ নাম বনৰাজ আন্দেকাৰ।
আৰক্ষীৰ পৰা পোৱা তথ্য অনুসৰি বনৰাজক কোনো দীঘলীয়া ধাৰ থকা অস্ত্ৰৰে আক্ৰমণ কৰা হয়। এই আক্ৰমণত মৃত্যু হয় এন চি পিৰ নেতাগৰাকীৰ। বৰ্তমান আৰক্ষীয়ে বিষয়টোৰ তদন্তত ব্যস্ত।
আৰক্ষীৰ জানিবলৈ দিয়া অনুসৰি, দেওবাৰে নিশা পুনেৰ নানা পেঠ অঞ্চলত সংঘটিত হয় এই ঘটনা। পিষ্টলেৰে কেইবাজাঁই গুলীচালনা কৰে আক্ৰমণকাৰীয়ে। পিছত গুৰুতৰভাৱে আহত নেতাগৰাকীক চিকিৎসালয়ত ভৰ্তি কৰোৱা হয়। কিন্তু চিকিৎসাৰ সময়তে তেওঁৰ মৃত্যু হয়।
ঘটনা সন্দৰ্ভত তথ্য লাভ কৰাৰ লগে লগে ক্ৰাইম ব্ৰাঞ্চৰ বিষয়াসকলে সেই স্থানত উপস্থিত হৈ তদন্ত আৰম্ভ কৰে। বনৰাজক ওচৰৰ চিকিৎসালয়ত ভৰ্তি কৰোৱা হৈছিল। বৰ্তমান সময়ত আৰক্ষীয়ে এই হত্যাকাণ্ডৰ আঁৰৰ কাৰণ হিচাপে পাৰস্পৰিক প্ৰতিদ্বন্দ্বিতা আৰু আধিপত্যৰ বাবে যুঁজ বুলি কাৰণ দাঙি ধৰিছে।
বৰ্তমানে আক্ৰমণকাৰীৰ সন্ধানত ব্যস্ত আৰক্ষী। ইয়াৰ বাবে বিশেষ দলো গঠন কৰা হৈছে। উল্লেখ্য যে, ২০১৭ চনৰ নিৰ্বাচনত পৌৰ নিগমৰ কৰ্পৰেটৰ হিচাপে নিৰ্বাচিত হৈছিল বনৰাজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
