হঠাতে ২৫০০০ ফুট উচ্চতাত ২০০ যাত্ৰী থকা বিমানৰ ভিতৰত হাহাকাৰ, কোনোমতে বিমান ধ্বংস হোৱাৰ পৰা ৰক্ষা
২৫০০০ ফুট উচ্চতাত থকা এখন বিমান, বিমানৰ ভিতৰত যাত্ৰী ২০০ৰ ঘৰত। লগতে আছে পাইলট, ক্ৰু মেম্বাৰ আদি। পাছে হঠাতে বিমানৰ ভিতৰত লাগি যায় হাহাকাৰ। কোনোমতে বিমানখন ধ্বংস হোৱাৰ পৰা ৰক্ষা পৰে।
প্ৰায় ২৫ হাজাৰ ফুট উচ্চতাত থকা বিমানখন ইন্দোৰৰ পৰা হায়দৰাবাদলৈ গৈ থকা অৱস্থাত হঠাৎ এজন যাত্ৰীৰ কাণ্ডই সকলো যাত্ৰীৰে জীৱন বিপদত পেলাই দিয়ে। যি কাৰ্য দেখি যাত্ৰীসকলৰ মাজত আতংকৰ সৃষ্টি হয় আৰু ক্ৰু সদস্যসকলেও তত্ হেৰুৱাই পেলাই। কোনোমতে সেই যাত্ৰীগৰাকীক খৰধৰকৈ ধৰি চকী এখনত বহাই হাত-ভৰি বান্ধি থৈ দিয়ে। অৱতৰণ কৰাৰ লগে লগে লোকগৰাকীক আৰক্ষীৰ হাতত গতাই দিয়ে।
আৰক্ষীয়ে অভিযুক্তৰ বিৰুদ্ধে গোচৰ ৰুজু কৰিছিল যদিও চিকিৎসকৰ প্ৰতিবেদনত লোকগৰাকীৰ স্বাস্থ্যজনিত সমস্যাৰ কথা প্ৰকাশ পোৱাৰ বাবে জামিন দি দিয়ে। পাছে বিমানখন যদিহে দুৰ্ঘটনাত পতিত হ’ল হেঁতেন তেন্তে ইয়াৰ দোষৰ কাৰণ লোকগৰাকীয়েই হ’ল হেঁতেন।
যাত্ৰীগৰাকীয়ে ২৫০০০ ফুট উচ্চতাত থকা সমতে হঠাতে বিমানখনৰ দুৱাৰ খুলিবলৈ চেষ্টা কৰে। অন্য যাত্ৰী আৰু ক্ৰুৱে লোকগৰাকীক ৰখাবলৈ চেষ্টা কৰাত তেওঁ গেটখন খুলি জপিয়াই পৰাৰ ভাবুকি দিবলৈ আৰম্ভ কৰে।
ৰাষ্ট্ৰীয় সংবাদ মাধ্যমত প্ৰকাশিত বাতৰি অনুসৰি, মধ্য প্ৰদেশৰ ইন্দোৰৰ পৰা ইণ্ডিগোৰ এখন বিমান হায়দৰাবাদ অভিমুখে উৰা মাৰিছিল। হায়দৰাবাদৰ গজুলাৰামৰামৰ চন্দ্ৰগিৰি নগৰৰ বাসিন্দা এজন ২৯ বছৰীয়া যাত্ৰীও বিমানখনত আছিল যদিও তদন্তত জানিব পৰা গৈছে যে তেওঁ বিমানবন্দৰত ভাং সেৱন কৰি উঠিছিল। যাত্ৰাৰ সময়তে তেওঁ নিচাত তেনে অদ্ভুত কাম কৰিবলৈ ধৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
