৩৭০০০ কোটি টকাৰ মালিক, ২বাৰকৈ পদ্ম সন্মান লাভ, কিন্তু তাৰ পাছতো ৩০ বছৰে ধৰি কিনা নাই এখনো শাৰী
এগৰাকী ভাৰতীয় মহিলাৰ কাহিনীয়ে অনুপ্ৰাণিত কৰি আহিছে হাজাৰ জনক। নিজৰ ব্যক্তিত্বৰে চাপ বহাইছে বহুতৰে জীৱনত। হাজাৰ হাজাৰ কোটি টকাৰ মালিক হৈয়ো বিগত ৩০ বছৰে ধৰি ক্ৰয় কৰা নাই এখনো শাৰী। পাছে ব্যক্তিত্ব ইমানেই আকৰ্ষণীয় যে, লাভ কৰিছে ভাৰতৰ তৃতীয় সৰ্বোচ্চ সন্মান পদ্ম সন্মান।
সেই মহিলাগৰাকী হৈছে সুধা মুৰ্তি। ৩৭০০০ কোটি টকাৰ মালিক ইন্ফোচিচৰ মালিক নাৰায়ন মুৰ্তিৰ পত্নী। কেৱল স্বামীৰ টকাৰেই ধনী নহয়, সুধা মুৰ্তিৰ আছে নিজৰো কোটি কোটি টকাৰ সম্পত্তি। মুঠ ৭৭৫ কোটি টকাৰ মালিক সুধা মুৰ্তি।
পাছে ইমান টকাৰ থকাৰ পাছতো বিগত ৩০ বছৰে ধৰি ক্ৰয় কৰা নাই এখনো শাৰী। মহান দানী হিচাপেহে নাম আছে সুধা মুৰ্তিৰ। সামাজিক ক্ষেত্ৰত আগবঢ়োৱা কামৰ বাবে তেখেতে এবাৰ নহয় দুবাৰকৈ লাভ কৰিছে পদ্ম সন্মানো।
২০০৬ চনত পদ্মশ্ৰী আৰু ২০২৩ চনত পদ্ম ভূষণ সন্মানেৰে সন্মানিত হৈছে। বহু টকাৰ মালিক হলেও বিশেষকৈ কিতাপৰ সৈতে অধিক জড়িত সুধা মুৰ্তি। জীৱনত মুঠ ১৫০ খন কিতাপ লিখি উলিয়াইছে সুধা মুৰ্তিয়ে। তাৰোপৰি স্বামী-স্ত্ৰী দুয়োৰে ২০ হাজাৰৰো অধিক কিতাপৰ সংগ্ৰহ আছে।
অৱশ্যে বিগত ৩০ বছৰে ধৰি শাৰী ক্ৰয় নকৰাৰ পাছত আছে এক ধৰ্মীয় বিশ্বাস হে। সুধা মূৰ্তিয়ে নিজেই এটা অনুষ্ঠানত কৈছিল যে ৩০ বছৰ ধৰি নিজৰ বাবে কিয় শাৰী কিনা নাছিল। তেওঁ কয় যে এই সিদ্ধান্ত আৰ্থিক প্ৰয়োজন বা ধনৰ অভাৱত লোৱা হোৱা নাই। ইয়াৰ আঁৰত গভীৰ ধৰ্মীয় আৱেগ আছে।
তেখেতে কৈছিল- ৩০ বছৰ পূৰ্বে কাশীলৈ গৈছিল, য’ত নিজৰ প্ৰিয় বস্তু এটা এৰি যোৱাৰ সিদ্ধান্ত ল’বলগীয়া হৈছিল। তাতেই সিদ্ধান্ত লৈছিল জীৱনত কেতিয়াও নিজৰ বাবে শাৰী ক্ৰয় নকৰে।
অৱশ্যে পৰিয়ালৰ অন্য লোকে তেখেতৰ শাৰী উপহাৰ দিয়ে। পৰিালৰ সকলোৱে জানে কেৱল শাৰীয়ে পিন্ধা আৰু শাৰী ক্ৰয় কৰি অতিকে ভাল পোৱা সুধা মুৰ্তিয়ে কাশীত শাৰী ক্ৰয় কৰা ইচ্ছা পৰিহাৰ কৰি থৈ আহিছে। সেয়ে ভগ্নী আৰু পৰিয়ালৰ অন্য লোকে সুধা মুৰ্তিক শাৰী উপহাৰ দি থাকে।
উল্লেখ্য যে, এই সুধা মুৰ্তিৰ জোঁৱাই হৈছে ঋষি সুনক, যি ব্ৰিটেইনৰ প্ৰথমগৰাকী ভাৰতীয় মূলৰ প্ৰধানমন্ত্ৰী আছিল। সুধা মুৰ্তিৰ কন্যা অক্ষতাৰ সৈতে বিবাহ পাশত আৱদ্ধ হৈছে ঋষি সুনক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
