শেহতীয়াকৈ পুনেৰ য়েৱালেৱাড়ী অঞ্চলত এগৰাকী ১৯ বছৰীয়া যুৱতীক যৌন নিৰ্যাতন চলোৱাৰ অভিযোগত গ্ৰেপ্তাৰ কৰা হৈছে এক ৪২ বছৰীয়া জ’মেটো’ ডেলিভাৰী এজেণ্টক। এই ঘটনাই সংবাদ মাধ্যম আৰু সামাজিক মাধ্যমত চৰ্চা লাভ কৰি থকাৰ সময়তে ফুড ডেলিভাৰী অনলাইন প্ৰতিষ্ঠান জ’মেটোৱে ঘটনাৰ সন্দৰ্ভত আনুষ্ঠানিক বিবৃতি প্ৰকাশ কৰিছে৷ প্ৰতিষ্ঠানটোৱে বিবৃতি কয় যে ডেলিভাৰী এজেণ্টৰ সৈতে তেওঁলোকৰ প্ৰতিষ্ঠানৰ কোনো সম্পৰ্ক নাই।
উল্লেখ্য যে যে যোৱা ১৭ ছেপ্টেম্বৰত ৪২ বছৰীয়া এজন জ’মেটো ডেলিভাৰী এজেণ্টজনে ফ্লেটত কোনো নথকাৰ সুযোগত এগৰাকী ১৯ বছৰীয়া যুৱতীক পানী খোৱাৰ চলেৰে বলপূৰ্বকভাৱে চুম্বন কৰি যৌন নিৰ্যাচন চলোৱাৰ অভিযোগ উত্থাপন হৈছিল৷
ইফালে যুৱতীগৰাকীয়ে অভিযোগ মতে এজেণ্টজনে যুৱতীগৰাকীলৈ বিভিন্ন ধৰণৰ মেচেজ আদি দি আকৌ নিৰ্যাতন চলাবলৈ ধৰিলে৷ ইয়াৰ পাছতে যুৱতীগৰাকীয়ে আৰক্ষী থানাত এজাহাৰ দাখিল কৰে আৰু উক্ত এজাহাৰৰ ভিত্তিত আৰক্ষীয়ে ৰায়েছ শৈলজ নামৰ জ’মেটো ডেলিভাৰী এজেণ্টজনক গ্ৰেপ্তাৰ কৰে৷
লগতে পঢ়ক নিবনুৱাৰ বাবে সুখবৰ! দিয়া হ’ব ৯০০০ কৰ্মচাৰী নিযুক্তি, যিকোনা ঠাইৰ পৰা কৰিব পাৰিব কাম
ইয়াৰ পাছতে ঘটনা সন্দৰ্ভত প্ৰতিষ্টানটোৱে প্ৰকাশ কৰা আনুষ্ঠানিক বিবৃতিত কয় যে এনে আচৰণৰ প্ৰতি প্ৰতিষ্ঠানটো শূন্য সহনশীল আৰু যিকোনো ব্যক্তিক অনবৰ্ড কৰাৰ সময়ত তৃতীয় পক্ষৰ পটভূমিও পৰীক্ষণ কৰে।
জ’মেটোৱে নিজৰ আনুষ্ঠানিক বিবৃতিত কয় যে, ‘‘আমি তদন্তত সহযোগিতা আগবঢ়াবলৈ কৰ্তৃপক্ষৰ সৈতে যোগাযোগ কৰি আহিছো। আমি যিকোনো ব্যক্তিক আমাৰ বহৰত অনবৰ্ডিং কৰাৰ সময়ত তৃতীয় পক্ষৰ পটভূমি পৰীক্ষণ কৰোঁ আৰু আমাৰ শূন্য সহনশীলতা নীতি আছে।’’
জ’মেটো অনলাইন খাদ্য ডেলিভাৰী এজেণ্টসকলৰ বিৰুদ্ধে এনেধৰণৰ কাণ্ডৰ খবৰ এইটো প্ৰথম নহয়। জ’মেটোৱে অভিযুক্তজন নিজৰ অফিচিয়েল ডেলিভাৰী পাৰ্টনাৰ বুলি স্বীকাৰ কৰিবলৈ অস্বীকাৰ কৰিলেও প্ৰশ্নটো ৰৈ গৈছে যে অভিযুক্তজনে কেনেকৈ যুৱতীগৰাকীৰ ঘৰত উপস্থিত হৈ ফুড ডেলিভাৰী কৰিলে?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
