কৰ’নাৰ কালৰ পাছৰে পৰা কৰ্প’ৰেট খণ্ডত বিশেষ পৰিৱৰ্তন হোৱা দেখা গৈছে৷ প্ৰায়বোৰ বৃহৎ কোম্পানীয়ে এতিয়া ঘৰৰ পৰা কাম কৰাৰ বিকল্পটোক গুৰুত্বসহকাৰে লোৱা দেখা গৈছে৷ কৰ’নাৰ সময়ছোৱাত ঘৰৰ পৰা কাম কৰাৰ সময়ত কৰ্মচাৰীসকলৰ কৰ্মক্ষমতা বৃদ্ধি পোৱাৰ বিপৰীতে আৰু কোম্পানীসমূহৰ ব্যয় হ্ৰাস পাইছিল৷ তাৰ পিছৰে পৰা কোম্পানীসমূহে এতিয়া দীৰ্ঘদিন ধৰি এই বিকল্প গ্ৰহণ কৰিবলৈ চেষ্টা কৰি আছে।
এই দিশৰ প্ৰতি লক্ষ্য ৰাখি এটা বৃহৎ MNC প্ৰতিষ্ঠানে ভাৰতৰ পৰা ৯০০০ কৰ্মচাৰীক চাকৰি দিবলৈ আগবাঢ়িছে৷ যিসকলে কাৰ্যালয়লৈ নোযোৱাকৈ যিকোনো ঠাইৰ পৰা কাম কৰিব পাৰিব।
গ্লোবেল কাষ্টমাৰ চাৰ্ভিচ চফ্টৱেৰ এণ্ড চাৰ্ভিচেছ কোম্পানী [24]7.ai এ মঙলবাৰে ৯০০০ কৰ্মচাৰী নিযুক্তি দিয়াৰ কথা ঘোষণা কৰিছে। এই কৰ্মচাৰীসকলক যিকোনো ঠাইৰ পৰা কাম কৰাৰ বিকল্প প্ৰদান কৰা হ’ব।
লগতে পঢ়ক লাখ লাখ অনুৰাগীক শোক সাগৰত পেলাই গুচি গ’ল জনপ্ৰিয় কমেডিয়ান ৰাজু শ্ৰীবাস্তৱ
কোম্পানীটোৰ হৈ কোৱা হৈছে যে এই কৰ্মচাৰীসকলক ফোন আৰু চেটৰ জৰিয়তে নিযুক্তি দিয়া হ’ব, যাতে আন্তঃৰাষ্ট্ৰীয় ক্লায়েণ্টসকলক উন্নত সুবিধা প্ৰদান কৰিব পৰা যায়।
মিণ্টৰ এক প্ৰতিবেদন অনুসৰি ইণ্ডিয়া এণ্ড আমেৰিকাছৰ এছভিপি এণ্ড এইচ আৰ ডিৰ মুৰব্বী নীনা নাইৰে কয় যে ভাৰতৰ এটা অতি ভাল আৰু সংগঠিত আগশাৰীৰ প্ৰতিভাৰ পুল আছে। যোৱা কেইবছৰমানৰ পৰা দেশত এই প্ৰতিভা দ্ৰুতগতিত বৃদ্ধি পাইছে।
লগতে পঢ়ক এইখন অসমৰে ঘটনা, স্বামীৰ অনুপস্থিতিত প্ৰেমিকেৰে অশ্লীল ভিডিঅ’ কৰি ভাইৰেল কৰিলে মহিলাই
এই প্ৰতিভাৱান লোকসকলৰ মাজত বিনিয়োগ কৰি আৰু দীৰ্ঘদিন ধৰি যুৱক-যুৱতীসকলক লালন-পালন কৰিবলৈ, তেওঁলোকক নেতা হিচাপে গঢ়ি তোলাৰ বাবে প্ৰতিষ্ঠানটোৱে কাম কৰে বুলিও কোৱা হৈছে৷
শেহতীয়াকৈ কোম্পানীটোৱে চলিত বছৰৰ বিপিঅ’ৰ খিতাপ দখল কৰিছে। লাছ ভেগাছত কোম্পানীটোক দিয়া হৈছিল চিচিডব্লিউ এক্সেলেন্স এৱাৰ্ড। এইটো বিশ্বৰ ভিতৰতে সৰ্ববৃহৎ গ্ৰাহক থকা এই প্ৰতিষ্ঠানটোৱে ইয়াৰ উপৰিও বৃহৎ পৰিসৰৰ কণ্টেক্ট চেণ্টাৰ আৰু সেৱা বজাৰ স্থাপন কৰাৰ পৰিকল্পনা কৰিছে। মন কৰিবলগীয়া যে আগন্তুক সময়ত কোম্পানীয়ে দেশৰ বিভিন্ন প্ৰান্তৰ পৰা এই কৰ্মচাৰীসকলক নিযুক্তি দিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
