শিক্ষক সমাজক কলংকিত কৰাৰ আন এক জঘন্য কাণ্ড পোহৰলৈ আহিছে৷ প্ৰকাশিত খবৰ মতে এগৰাকী অৱসৰপ্ৰাপ্ত শিক্ষকে এগৰাকী প্ৰতিবন্ধী মহিলাক ধৰ্ষণ কৰাৰ গুৰুতৰ অভিযোগ উত্থাপন হৈছে৷ ভুক্তভোগী মহিলাগৰাকীৰ মাতৃয়ে ঘটনা সন্দৰ্ভত আৰক্ষী থানাত অভিযোগ দাখিল কৰাৰ লগে লগে অভিযুক্ত ৭২ বছৰীয়া অৱসৰপ্ৰাপ্ত শিক্ষকগৰাকীয়ে আত্মগোপন কৰিছে৷
আৰক্ষীয়ে প্ৰকাশ কৰা অনুসৰি এই জঘন্য ঘটনাটো সংঘটিত হৈছে পশ্চিমবংগৰ নাদিয়াৰ নাজিপুৰ অঞ্চলত৷ নাজিপুৰ অঞ্চলৰ প্ৰভাৱশালী ব্যক্তিৰূপে পৰিচিত গোৰাচান্দ বিশ্বাস নামৰ ৭২ বছৰীয়া অৱসৰপ্ৰাপ্ত শিক্ষকজনে ঘৰত কোনো নথকাৰ সুযোগ লৈ প্ৰতিবন্ধী মহিলাগৰাকীক ধৰ্ষণ কৰে৷
ভুক্তভোগী মহিলাগৰাকীৰ মাতৃয়ে আৰক্ষীৰ আগত প্ৰকাশ কৰা অনুসৰি যোৱা ২৭ জুলাইত প্ৰতিবন্ধী মহিলাগৰাকীৰ মাতৃয়ে সন্ধিয়া বজাৰলৈ গৈছিল৷ সেই সময়তে ভুক্তভোগী প্ৰতিবন্ধী মহিলাগৰাকীয়ে চুবুৰীয়ে অভিযুক্ত লোকগৰাকীৰ পত্নীৰে সৈতে সময় অতিবাহিত কৰিবলৈ গৈছিল৷ কিন্তু অভিযুক্ত অৱসৰপ্ৰাপ্ত শিক্ষকগৰাকীৰ পত্নী ঘৰত নথকাৰ সুযোগ গ্ৰহণ কৰি অভিযুক্তই এই জঘন্য কাণ্ড সংঘটিত কৰে৷
লগতে পঢ়ক বিদ্যালয়ৰ দুৰ্দশাৰ বাতৰি প্ৰচাৰ কৰি ভাইৰেল শিশু, নেটনাগৰিকে ক’লে ভৱিষ্যতৰ সাংবাদিক
ইফালে ঘটনাটো সংঘটিত কৰিয়ে অভিযুক্ত অৱসৰপ্ৰাপ্ত শিক্ষকগৰাকীয়ে ঘটনাটো গাপ দি ৰাখিবলৈ ভুক্তভোগী পৰিয়ালটোক ভাবুকি প্ৰদান কৰে৷ কিন্তু সেই ভাবুকিলৈ কেৰেপ নকৰি ভুক্তভোগীৰ মহিলাগৰাকীৰ মাতৃয়ে স্থানীয় তেহাট আৰক্ষী থানাত পলমকৈ হ’লেও এজাহাৰ দাখিল কৰে৷
ভুক্তভোগী প্ৰতিবন্ধী মহিলাগৰাকীৰ মাতৃয়ে এজাহাৰ দাখিল কৰাৰ খবৰ লাভ কৰিয়ে ৭২ বছৰীয়া অৱসৰপ্ৰাপ্ত শিক্ষক গোৰাচান্দ বিশ্বাসে ঘৰৰ পৰা পলায়ন কৰি আত্মগোপন কৰিছে৷
আৰক্ষী আৰু স্থানীয় সূত্ৰৰ মতে গোৰাচান্দ বিশ্বাস সেই অঞ্চলৰ তৃণমূল পৰ্যায়ৰ কৰ্মী তথা প্ৰভাৱশালী ব্যক্তি। তেওঁ স্থানীয় গৰৈমাৰী প্ৰাথমিক বিদ্যালয়ত শিক্ষকতা কৰিছিল। ইফালে আৰক্ষীয়ে ভুক্তভোগী প্ৰতিবন্ধী মহিলাগৰাকীৰ স্বাস্থ্য পৰীক্ষা কৰাৰ পিছতে অভিযুক্তৰ গোৰাচান্দ বিশ্বাসৰ বিৰুদ্ধে ধৰ্ষণৰ গোচৰ ৰুজু কৰি তদন্ত আৰম্ভ কৰি কৰায়ত্ত কৰিবলৈ অভিযানো আৰম্ভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
