ইণ্টাৰনেটত ভাইৰেল হৈ পৰা এটা ভিডিঅ’ত দেখা গৈছে যে এজন সৰু ল’ৰাই নিজৰ বিদ্যালয়ৰ দুৰ্দশাৰ বিষয়ে জনসাধাৰণক জনাবলৈ এক বিশেষ পদক্ষেপ গ্ৰহণ কৰে৷ এজন সাংবাদিকৰূপে শিশুটিয়ে নিজৰ বিদ্যালয়খনৰ শ্ৰেণী কোঠাৰ তথৈৱচ অৱস্থা আৰু উপযুক্ত শৌচাগাৰৰ অভাৱ দেখুৱাইছে।
শিশুটিয়ে এজন সাংবাদিক হিচাপে বিদ্যালয়ৰ পৰিস্থিতিৰ কথা কৈ গৈছিল আৰু তেওঁক এজন বন্ধুৱে ভিডিঅ’টো ৰেকৰ্ডিং কৰিছে। ভিডিঅ’টোৱে অৱশ্যেই অনলাইনত বহু লোকৰ দৃষ্টি আকৰ্ষণ কৰিছে। ভিডিঅ’টো দেখি নেটনাগৰিকে শিশুটিৰ ৰিপ’ৰ্ট দিয়াৰ দক্ষতাক একবাক্যে প্ৰশংসা কৰা দেখা গৈছে৷
ভিডিঅ’টোত শিশুটিয়ে তেওঁৰ দৰে ছাত্ৰ-ছাত্ৰীসকলে স্কুলত সন্মুখীন হোৱা সমস্যাবোৰক আলোকপাত কৰিবলৈ চেষ্টা কৰিছে। কোভিড-১৯ৰ পিছত বিদ্যালয় খোলাৰ পিছতো পুনৰ শ্ৰেণী আৰম্ভ হোৱা নাই। শ্ৰেণীকোঠাবোৰ খালী হৈ থকা দেখা যায়। তাৰ পিছত ল’ৰাজনে আগবাঢ়ি গৈ শৌচাগাৰবোৰৰ তৈথৱচ অৱস্থা দেখুৱাইছে যাৰ ফলত ছাত্ৰ-ছাত্ৰীসকলে সেইবোৰ ব্যৱহাৰ কৰাত অসুবিধা হয়।
লগতে পঢ়ক দেৱৰ-বৌৱেকৰ বিবাহ-বহিৰ্ভূত সম্পৰ্কৰ জেৰ! ৪ দিনীয়া সন্তানক হত্যা বৰমাকৰ
লগতে বিদ্যালয়খনত পানীৰ নাটনি বিষয়েও শিশুটিয়ে সাৱলীলভাৱে কোৱা দেখা গৈছে। শিশুটিয়ে ভঙা হেণ্ড পাম্পটো দেখুৱাই বিষয়াসকলে কি কৰিছে সেই বিষয়ে সুধিছে। তেওঁ আন ছাত্ৰ-ছাত্ৰীসকলকো তেওঁলোকে সন্মুখীন হোৱা ধৰণৰ অসুবিধাৰ বিষয়ে ক’বলৈ কয়।
এজন পৰিপক্ক তথা দক্ষ সাংবাদিক হিচাপে শিশুটিয়ে নিজৰ বিদ্যালয়খনৰ বিষয়ে কৰা এই প্ৰতিবেদন সদৃশ ভিডিঅ’ৱে এতিয়া সামাজিক মাধ্যমত ভাইৰেল হোৱাই নহয় নেটনাগৰিকৰ পৰা ভুয়সী প্ৰশংসা লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
