কেৰিয়াৰেই শেষ নেকি বজৰংগ পুনিয়াৰ! অলিম্পিক বিজেতাৰ ওপৰত নিষেধাজ্ঞা
অলিম্পিকত ভাৰতৰ হৈ ব্ৰঞ্জৰ পদক লাভ কৰা ভাৰতীয় মল্লযুঁজাৰু বজৰং পুনিয়াক ৰাষ্ট্ৰীয় এণ্টি ডপিং এজেন্সীয়ে চাৰি বছৰৰ বাবে নিষেধাজ্ঞা আৰোপ কৰিছে। নাডাই চলিত বৰ্ষৰে ১০ মাৰ্চত ৰাষ্ট্ৰীয় দলৰ বাছনি পৰীক্ষাৰ সময়ত বজৰং পুনিয়াক নিজৰ নমুনা দিবলৈ কৈছিল, কিন্তু সেই সময়ত নমুনা দিবলৈ মল্লযুঁজাৰুগৰাকীয়ে নাকচ কৰিছিল। যাৰ বাবে নাডাই বজৰংগক নিষেধাজ্ঞা আৰোপ কৰিছে।
নাডাৰ দ্বাৰা নিষেধাজ্ঞা আৰোপ কৰাৰ পিছত এতিয়া বজৰং পুনিয়াই আগন্তুক চাৰি বছৰলৈ মল্লযুঁজ প্ৰতিযোগিতাত অংশগ্ৰহণ কৰিব নোৱাৰিব। এই সন্দৰ্ভত মল্লযুঁজাৰুৰ ফালৰ পৰা কোৱা হৈছিল যে ম্যাদ উকলি যোৱা টেষ্টিং কিটৰ চিন্তাতহে তেওঁ সংকোচ দেখুৱাইছিল।
২৩ এপ্ৰিলত বজৰং পুনিয়াক প্ৰথমে ৰাষ্ট্ৰীয় এণ্টি ডপিং এজেন্সীয়ে (নাডা) নিষিদ্ধ কৰিছিল। ইয়াৰ পিছতে ইউ ডব্লিউ ডব্লিউৱে পুনৰ নিলম্বন কৰে। কিন্তু ৩১ মে’ত নাডাৰ এণ্টি ড’পিং পেনেলে সাময়িকভাৱে এই নিষেধাজ্ঞা উঠাই লয়। ইয়াৰ পিছত ২৩ জুনত বজৰংগে অভিযোগ উত্থাপন কৰে। ১১ জুলাইত বজৰংগে তেওঁৰ বিৰুদ্ধে উত্থাপিত অভিযোগক প্ৰত্যাহ্বান জনাই, তাৰ পিছত ২০ ছেপ্টেম্বৰ আৰু ৪ অক্টোবৰত বিষয়টোৰ শুনানি গ্ৰহণ কৰা হৈছিল।
শুনানিৰ পাছত এতিয়া বজৰংগক অনুশাসন বিৰোধী ড’পিং পেনেলে ১০.৩.১ অনুচ্ছেদৰ অধীনত দোষী সাব্যস্ত কৰি ৪ বছৰৰ বাবে নিষেধাজ্ঞা আৰোপ কৰে। বজৰঙে দাবী কৰে যে তেওঁ ভাৰতীয় মল্লযুঁজ ফেডাৰেচনৰ প্ৰাক্তন সভাপতিৰ বিৰুদ্ধে প্ৰতিবাদ কৰিছিল, যাৰ বাবেই এই সকলোবোৰ ঘটি আছে।
বজৰংগে কয় যে তেওঁ কেতিয়াও নমুনা দিবলৈ অস্বীকাৰ কৰা নাছিল বৰঞ্চ ২০২৩ চনৰ ডিচেম্বৰ মাহত তেওঁৰ নমুনাৰ বাবে ব্যৱহাৰ কৰা ম্যাদ উকলি যোৱা টেষ্টিং কিটৰ সন্দৰ্ভত নাডাৰ পৰা স্পষ্টীকৰণ বিচাৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
