কিশোৰীগৰাকী কেইবাদিনো ধৰি অসুস্থ অনুভৱ হৈ আছিল। ইয়াৰ পাছতে পৰিয়ালৰ লোকে কিশোৰীগৰাকীক চিকিৎসালয়লৈ নিয়ে৷
চিকিৎসকে স্বাস্থ্য পৰীক্ষাৰ কৰাৰ পিছতে স্তম্ভিত হৈ পৰে কিশোৰীগৰাকীৰ পৰিয়ালৰ লোক। স্বাস্থ্য পৰীক্ষাৰ পিছতে চিকিৎসকে জনাই যে কিশোৰীগৰাকী গৰ্ভৱতী৷
এই কথা শুনিয়ে কিশোৰীগৰাকীৰ পৰিয়ালৰ লোকসকল হতভম্ব হৈ পৰে৷ কিশোৰীগৰাকীয়ে প্ৰকাশ কৰা অনুসৰি স্থানীয় এগৰাকী পুৰোহিতে তেওঁক ধৰ্ষণ কৰিছিল৷ ঘটনাটো পশ্চিমবংগৰ হুঘলীৰ কোন্নগৰৰ৷
লগতে পঢ়ক বিষাক্ত সাপৰ সৈতে ধেমালিয়ে কাল হ’ল দেৱেন্দ্ৰৰ, শিশুসহ নিজৰ ডিঙিত মেৰিয়াই কৰিছিল খেলা
পৰিয়ালৰ লোকে এই বিষয়ে অৱগত হোৱাৰ পিছতে আৰক্ষীৰ কাষ চাপিছে৷ ইতিমধ্যে আৰক্ষীয়ে কিশোৰীগৰাকীৰ পৰিয়ালৰ অভিযোগৰ ভিত্তিত অভিযুক্ত পুৰোহিতগৰাকীৰ বিৰুদ্ধে ব্যৱস্থা গ্ৰহণ কৰিছে৷
পৰিয়ালৰ লোকে জনোৱা মতে, নাবালিকাগৰাকীয়ে কয় যে কোন্নগৰৰ এটা মন্দিৰৰ এজন পুৰোহিতে তেওঁক ধৰ্ষণ কৰিছিল। নাবালকগৰাকীৰ পৰিয়ালে অভিযোগ কৰিছে যে পুৰোহিতে ছোৱালীজনীক হত্যা কৰাৰ ভাবুকিও দিছিল।
দেওবাৰে কিশোৰীগৰাকীৰ পৰিয়ালে উত্তৰপাৰা আৰক্ষী থানাত এজাহাৰ দাখিল কৰে। আৰক্ষীয়ে গ্ৰেপ্তাৰ কৰিছে অভিযুক্ত পুৰোহিতজনক। চন্দননগৰ আৰক্ষী আয়ুক্ত অমিত পি জাভালগীয়ে কয় যে কিশোৰীগৰাকীৰ সৈতে কথা পাতি অভিযোগৰ তদন্ত আৰম্ভ হৈছে। POCSO আইনৰ অধীনত এটা গোচৰ ৰুজু কৰা হৈছে। লগতে গ্ৰেপ্তাৰ কৰা হৈছে অভিযুক্তক। নাবালিকাগৰাকী সুস্থ হৈ উঠিলে তেওঁৰ গোপনীয় বক্তব্য গ্ৰহণ কৰা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
