বিনেশৰ পৰা শিকি ১০ ঘণ্টাত ৪.৬ কেজি হ্ৰাসেৰে অমনে জয় কৰিলে দেশৰ হৈ ষষ্ঠটো অলিম্পিক
মাত্ৰ ১০০ গ্ৰাম অতিৰিক্ত ওজনৰ বাবে মহিলাৰ ৫০ কেজি মল্লযুঁজৰ ফাইনেলৰ পৰা অযোগ্য ঘোষণা কৰাৰ বিপৰীতে অমন ছেহৰাৱাটে ১০ ঘণ্টাত ৪.৫ কেজি ওজন কমাই পুৰুষৰ ৫৭ কেজি ওজনৰ শাখাত ব্ৰঞ্জৰ পদক লাভ কৰে। বৃহস্পতিবাৰে ছেমি ফাইনেলত পৰাস্ত হোৱাৰ পাছত অমন ছেহৰাৱাটৰ ওজন আছিল ৬১.৫ কিলোগ্ৰাম। যিটো পুৰুষৰ ৫৭ কেজিৰ শাখাত গ্ৰহণযোগ্য সীমাতকৈ ৪.৫ কিলোগ্ৰাম বেছি আছিল। কিন্তু তাৰ পিছৰ ১০ ঘণ্টাত ভাৰতীয় প্ৰশিক্ষকৰ সৈতে অক্লান্তভাৱে কাম কৰি ৪.৬ কেজি ওজন কমালে।
ছয়জনীয়া মল্লযুঁজৰ দলটোৰ সৈতে জড়িত ভাৰতীয় জ্যেষ্ঠ প্ৰশিক্ষক দুগৰাকী জগমন্দৰ সিং আৰু বীৰেন্দ্ৰ দহিয়াৰ এতিয়া মাত্ৰ এটা ‘মিছন’হে আছিল। বিনেশ ফ’গাটৰ যি হ’ল তাৰ পিছত তেওঁলোকে আৰু এটা তেনেধৰণৰ দুখ সহ্য কৰিব নোৱাৰিব। সেয়ে অক্লন্ত ভাৱে যুঁজ দিলে অমনেও।
উল্লেখযোগ্য যে সন্ধিয়া প্ৰায় ৬.৩০ বজাত জাপানৰ ৰেই হিগুচিৰ বিৰুদ্ধে ছেমি ফাইনেলত পৰাস্ত হয় ২১ বছৰীয়া আমান। কিন্তু ভাৰতীয় দলৰ অপচয় কৰিবলৈ সময় নাছিল। ছেমি ফাইনেলৰ সেই খেলত পৰাস্ত হৈ সোণ-ৰূপৰ পৰা বাহিৰ হলেও আশা বাকি আছিল ব্ৰঞ্জত।
সেয়ে ওজন হ্ৰাসৰ বাবে আৰম্ভ হৈছিল ‘মিছন’ৰ। মিছনৰ আৰম্ভণিতে ডেৰ ঘণ্টাৰ মেট চেচনত দুজন জ্যেষ্ঠ প্ৰশিক্ষকে তেওঁক ষ্টেণ্ডিং ৰেছলিং কৰিবলৈ বাধ্য কৰাইছিল। ইয়াৰ পিছত এঘণ্টা ধৰি গৰম ভাপৰ গা ধোৱাৰ কাৰ্য। নিশা ১২.৩০ বজাত জিমলৈ গা অমনে এঘণ্টা ধৰি ট্ৰেডমিলত ননষ্টপ দৌৰে। যাৰ বাবে শৰীৰৰ পৰা ওলোৱা ঘামে ওজন কমাবলৈ সহায় কৰিছিল অমনৰ।
পিছত তেওঁলোকক ৩০ মিনিটৰ বিৰতি লৈ, পুনৰ ৫ মিনিটকৈ পাঁচটাকৈ ছাউনা বাথৰ কাম কৰিছিল। এই সকলোৰে শেষলৈকে অমনৰ ওজন তেতিয়াও ৯০০ গ্ৰাম বেছি আছিল। সেয়েশেষত অমনক মালিচ কৰা হৈছিল আৰু তাৰ পিছত প্ৰশিক্ষকসকলে ছাত্ৰছালৰ প্ৰশিক্ষাৰ্থীজনক পুনৰ লাইট জগিং কৰিবলৈ দিছিল। ইয়াৰ পিছত ১৫ মিনিটৰ বাবে দৌৰিছিল। শেষত পুৱা ৪.৩০ বজালৈকে অমনৰ ওজন হৈছিল ৫৬.৯ কেজি। যিটো নিৰ্ধাৰিত ওজনতকৈ ১০০ গ্ৰাম কম আছিল।
শেষত প’ৰ্ট’ ৰিকোৰ ডাৰিয়ান ক্ৰুজক পৰাস্ত কৰি ব্ৰঞ্জৰ পদক লাভ কৰি ভাৰতৰ আটাইতকৈ কম বয়সীয়া অলিম্পিক পদক বিজয়ী হিচাপে পৰিগণিত হয় অমন শ্বেৰগিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
