জিভা পিছলি বিশ্বজুৰি হাঁহিয়াতৰ পাত্ৰ পাকিস্তানী এংকৰ, ইজেকচন হ’লগৈ ইজেক্যুলেচন
পাকিস্তানী নিউজ চেনেলৰ জ্ঞান তথা বিশ্বাসযোগ্যতাক লৈ বহু সময়ত প্ৰশ্ন উত্থাপন হৈ আহিছে। বাৰে বাৰে পাকিস্তানী সংবাদ মাধ্যম বিশ্ব দৰবাৰত হাঁহিয়াতৰ পাত্ৰ হৈ আহিছে। এইবাৰ এগৰাকী মহিলা এংকৰৰ জিভা পিছলি যোৱাৰ ফলত সমগ্ৰ ছ’চিয়েল মিডিয়া তোলপাৰ লাগি গৈছে।
কাৰণ মহিলা এংকৰৰ সম্যক জ্ঞানৰেই অভাৱ নে জিভা পিছলি ভুল, কিন্তু এটা মাৰাত্মক ভুলৰ বাবে এতিয়া বেয়াকৈ ট্ৰোলৰ সন্মুখিন হৈছে। মহিলা পাকিস্তানী এংকৰগৰাকীয়ে ইজেকচন শব্দ ক’বলৈ চেষ্টা কৰাৰ সময়তে মুখেৰে ওলাই ইজেক্যুলেচন। যি শব্দ দুটাৰ অৰ্থ আকাশ-পাতাল পাৰ্থক্য।
বৰ্তমানে সামাজিক মাধ্যমত ভাইৰেল হৈ পৰিছে পাকিস্তানী মহিলা এংকৰ গৰাকীৰ এই ভুলৰ ভিডিঅ’ । অৱশ্যে এই ভাইৰেল ক্লিপ পুৰণি, কিন্তু ভাৰতত পেহেলগাম সন্ত্ৰাসবাদী আক্ৰমণৰ পিছত এই ভিডিঅ’টো পুনৰ ছ’চিয়েল মিডিয়াত ভাইৰেল হৈ পৰিছে।
এই ভিডিঅ’ ২০২০ চনৰ ১১ মাৰ্চৰ। সেইদিনটোত ইছলামবাদত এফ-১৬ যুঁজাৰু বিমান দুৰ্ঘটনা সংঘটিত হৈছিল, সেই দুৰ্ঘটনাৰেই বাতৰিৰ কভাৰেজৰ এই ভাইৰেল ক্লিপটো।
ভিডিঅ’টো চাবলৈ এই লিংকত ক্লিক কৰক- https://x.com/shiv_cybersurg/status/1917415206311059780
সামৰিক পেৰেডৰ আখৰাৰ সময়ত দুৰ্ঘটনাগ্ৰস্ত বিমানখন জনবসতিপূৰ্ণ অঞ্চলৰ পৰা আঁতৰাই অৰণ্যৰ ফালে নি বিমান খনৰ পাইলটে নিজৰ জীৱন উচ্চৰ্গা দি বহু লোকৰ প্ৰাণ ৰক্ষা কৰিছিল। পাকিস্তান বায়ুসেনাৰ সাহসী পাইলট নৌমান আক্ৰামৰ সেই দুৰ্ঘটনাত মৃত্যু হৈছিল। ইচ্ছা কৰিলে পাইলটে সময়মতে বিমানখনৰ পৰা জপিয়াই প্ৰাণ ৰক্ষা কৰিব পাৰিলেহেঁতেন। কিন্তু সাধাৰণ নাগৰিকৰ প্ৰাণ ৰক্ষাৰ বাবে নিজকে উচ্চৰ্গা কৰি দিয়ে।
সেই দুৰ্ঘটনাৰেই কভাৰেজ কৰি আছিল পাকিস্তানী এংকৰে। তেতিয়াই শব্দৰ উচ্চাৰণত মাৰাত্মক ভুল কৰে। ‘ইজেকচন’ আৰু ‘ইজেক্যুলেচন’। শব্দ দুটাৰ পাৰ্থক্য বুজি নোপোৱাৰ বাবে এংকৰ বেয়াকৈ ট্ৰোলৰ সন্মুখিন হয়।
ইজেকচন হৈছে এটা টেকনিকেল শব্দ, ইয়াৰ অৰ্থ সামৰিক বিমানৰ পৰা পাইলট বাহিৰ হোৱাৰ প্ৰক্ৰিয়া। আনহাতে এংকৰে ব্যৱহাৰ কৰা ইজেক্যুলেচন শব্দ শাৰীৰিক সম্পৰ্কৰ ক্ষেত্ৰত ব্যৱহাৰ কৰা শব্দ, ইয়াৰ অৰ্থ বীৰ্যস্খলন।
এই মাৰাত্মক পাৰ্থক্যৰ বাবেই বেয়াকৈ ট্ৰোল খাইছে এংকৰ গৰাকীয়ে। বহু সামাজিক মাধ্যম ব্যৱহাৰকাৰীয়ে লিখিছে- ‘এই কাৰণতেই আটাইতকৈ অজ্ঞান দেশ।’ আন এজন ব্যৱহাৰকাৰীয়ে ঠাট্টা কৰি লিখে, ‘এই জ্ঞানী লোকসকলে আমাৰ দেশৰ বিৰুদ্ধে যুঁজিব।’ আন এজন ব্যৱহাৰকাৰীয়ে লিখিছে, ‘এই মহিলা এংকৰ গৰাকীয়ে হয়তো যথেষ্ট p**n চায়।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
