অসম লাইভ২৪ঃ ২০২৩ ৰ বাজেটত কি থাকিব প্ৰত্যাশাৰে বাট চাই আছিল দেশৰ জনতাই৷ দেশবাসীৰ প্ৰত্যাশাৰ ভাৰ কান্ধত লৈয়েই ১ ফেব্ৰুৱাৰী বুধবাৰে বিত্তমন্ত্ৰী নিৰম্লা সীতাৰমণে দাখিল কৰিলে কেন্দ্ৰীয় বাজেট৷ বাজেটত দুখীয়া শ্ৰেণীৰ লোকলৈ আছে ভালখবৰ৷ দেশত পিএম আৱাস যোজনাক লৈ বৃহৎ ঘোষণা বাজেটত৷
নিৰ্মলা সীতাৰমণে এই সন্দৰ্ভত বাজেট ভাষণত কয়, ‘প্ৰধানমন্ত্ৰী আৱাস যোজনাৰ বাবদ ব্যয় ৬৬ শতাংশ বৃদ্ধি কৰা হৈছে৷ ইয়াৰ ফলত এই প্ৰকল্পত ব্যয় হ’ব ৭৯,০০০ কোটি টকাৰো অধিক ধন৷’ কেন্দ্ৰীয় বিত্তমন্ত্ৰীয়ে ইয়াৰ লগতে কয় যে মূলধন বিনিয়োগৰ পৰিধিও ৩৩ শতাংশ বৃদ্ধি কৰি ১০ লাখ কোটি কৰা হৈছে৷ যি দেশৰ GDP-ৰ ৩.৩ শতাংশ হ’ব৷ দেশৰ অৰ্থনীতি এতিয়া সঠিক পথত যাবলৈ আৰম্ভ কৰিছে৷ বিগত ৯ বছৰে ভাৰতীয় অৰ্থনীতি ১০ নম্বৰ স্থানৰ পৰা ৫ নম্বৰ স্থানলৈ উন্নীত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
