ভাৰতৰ চাণক্য আখ্যা পোৱা প্ৰশান্ত কিশোৰ ওৰফে PKৰ শেহতীয়া এক মন্তব্যই সংবাদ মাধ্যমত চৰ্চা লাভ কৰিছে৷ PKৰ দাবী অনুযায়ী কোনো তৃতীয় বা চতুৰ্থ ফ্ৰণ্টে নিৰ্বাচনত ভাৰতীয় জনতা পাৰ্টিক (বিজেপি) পৰাজিত কৰিব নোৱাৰে৷ যদি বিজেপিক পৰাজিত কৰিব লগা হয়, তেন্তে কেৱল দ্বিতীয় ফ্ৰণ্টেহে এইটো কৰিব পাৰিব। সেই বাবে বিজেপিৰ জয়ৰ ঘোঁৰা বান্ধিবলৈ হ’লে আনটো মৰ্চা শক্তিশালী হ’বই লাগিব।
SEE MORE: এই ৰাশিৰ ল’ৰা-ছোৱালীৰ আয়তকৈ খৰচ বেছি আপুনিও আছে নেকি ইয়াত?
এটা ব্যক্তিগত টিভি চেনেলৰে হোৱা সাক্ষাৎকাৰত প্ৰশান্ত কিশোৰক আগন্তুক লোকসভা নিৰ্বাচন সম্পৰ্কত কেইবাটাও প্ৰশ্ন সোধা হৈছিল৷ প্ৰশান্ত কিশোৰে এই সম্পৰ্কত স্পষ্ট অভিমত প্ৰকাশ কৰে যে, যদি বিজেপিক পৰাজিত কৰিব লগা হয়, তেন্তে ইয়াৰ বাবে আনটো মৰ্চা শক্তিশালী হৈ উঠিব লাগিব। ২০২৪ চনৰ নিৰ্বাচনত PKয়ে তৃণমূল কংগ্ৰেছক (টিএমচি) তৃতীয় ফ্ৰণ্ট হিচাপে আত্মপ্ৰকাশ কৰাত সহায় কৰিছে নেকি বুলি সোধাত ইয়াৰ প্ৰত্যুত্তৰত তেওঁ কয়- মই কেতিয়াও বিশ্বাস কৰা নাই যে ভাৰতৰ কোনো তৃতীয় বা চতুৰ্থ ফ্ৰণ্টে নিৰ্বাচনত জয়ী হ’ব পাৰে।
SEE MORE: ইজৰাইলৰ প্ৰধানমন্ত্ৰীক মৃত্যুৰ ভাবুকি
যদি আমি বিজেপিক প্ৰথম ফ্ৰণ্ট হিচাপে বিবেচনা কৰো, তেওঁলোকক পৰাস্ত কৰিবলৈ দ্বিতীয় ফ্ৰণ্ট থাকিব লাগে। যদি এটা দলে বিজেপিক পৰাজিত কৰিব বিচাৰে, তেওঁলোকে আনফালে শক্তিশালী হৈ উঠিব লাগিব, তেতিয়াহে বিষয়টো ঘটিব। আন এক প্ৰশ্নৰ উত্তৰত প্ৰশান্ত কিশোৰে কয় যে তেওঁ কংগ্ৰেছক দ্বিতীয় ফ্ৰণ্ট হিচাপে বিবেচনা নকৰে। তেওঁৰ দৃষ্টিত, কংগ্ৰেছ দল হৈছে দেশৰ কেৱল দ্বিতীয় বৃহত্তম দল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
