অসম লাইভ২৪ঃ সাধাৰণ মানুহে সেই বয়সত প্ৰায় অৱসৰৰেই চিন্তা কৰে। জীৱনটো কামৰ মাজেৰেই পাৰ হয় ৯০ বছৰ বয়সতো আৰু কাম কৰিব নোৱাৰি। এয়া আমাৰ প্ৰায়সংখ্যকৰেই ধাৰণা। কিন্তু ইয়াৰ মাজতেই কিছু লোক ব্যতিক্ৰম থাকে। ব্যতিক্ৰমী চিন্তাৰে তেওঁলোক আগবাঢ়ে। এইসকল ব্যতিক্ৰমী ব্যক্তিৰ ভিতৰত এজন হৈছে প্ৰতাপচন্দ্ৰ ৰেড্ডী। বয়স তেওঁৰ বাবে কেৱল মাত্ৰ দুই অংকৰ সংখ্যাহে মাত্ৰ। ৯০ বছৰ বয়স পাৰ হ’লেও নিয়মিত অফিচলৈ যায় প্ৰতাপচন্দ্ৰ। প্ৰতি দিনেই পুৱাৰে পৰা আবেলি ৫ বজালৈ নিজৰ কামতেই ব্যস্ত থাকে তেওঁ। সপ্তাহত মাত্ৰ এটা দিনহে ছুটি লয় প্ৰতাপচন্দ্ৰই।
কামৰ ইমানেই নিচা যে ৯০ বছৰ বয়সতো সপ্তাহৰ ৬দিনেই তেওঁ অফিচলৈ যায়। এই কৰ্মোদ্যমেৰেই ভাৰতৰ প্ৰথম ৫০গৰাকী উদ্যোগপতিৰ তালিকাত নিজৰ নাম অন্তৰ্ভূক্ত কৰিবলৈ সক্ষম হৈছে প্ৰতাপচন্দ্ৰই। বৰ্তমান প্ৰতাপচন্দ্ৰৰ হাস্পতালখন ইমানেই পৰিচিত যে তেওঁ বৰ্তমান হাস্পতালৰ ২১ টা ব্ৰান্স নতুনকৈ খুলিবলৈ সক্ষম হৈছে। ৫হাজাৰ ঔষধৰ দোকানৰ পৰা আৰম্ভ কৰি ২৯১ টা প্ৰাথমিক স্বাস্থ্য পৰিসেৱা কেন্দ্ৰ, ডিজিটেল হেলথ পৰ্টেলো আছে প্ৰতাপচন্দ্ৰৰ। ১৯৩৩ চনৰ ৫ ফেব্ৰুৱাৰীত অন্ধ্ৰপ্ৰদেশত জন্ম প্ৰতাপচন্দ্ৰৰ। খুব কম বয়সতে প্ৰতাপচন্দ্ৰই সুচৰিতা ৰেড্ডীৰ সৈতে বিবাহপাশত আৱদ্ধ হয়।
বিবাহত পাছতেই ৪গৰাকী কন্যা সন্তানৰ পিতৃ হয় প্ৰতাপচন্দ্ৰ। নিজৰ কন্যাকো অইন কন্যাৰ দৰে ডাঙৰ নকৰি ব্যৱসায় শিকাই ব্যস্ত কৰাই ৰাখিবলৈ প্ৰাপ্তবয়স্ক হোৱাৰ আগৰে পৰাই চেষ্টা চলাই সফলো হৈছে প্ৰতাপচন্দ্ৰ। প্ৰতাপচন্দ্ৰৰ পৰিয়ালৰ সৈতে অভিনয়ক্ষেত্ৰও জড়িত হৈ আছে। প্ৰতাপচন্দ্ৰৰ কন্যা শুভানা কামিনেনি এগৰাকী প্ৰতিষ্ঠিত ব্যৱসায়ী। শুভানাৰেই কন্যা অৰ্থাৎ প্ৰতাপচন্দ্ৰৰ নাতিনী উপাসনা কামিনেনি তেলেগু অভিনেতা ৰামচৰণৰ পত্নী। তেওঁৰ চাৰিগৰাকী কন্যাই প্ৰতিষ্ঠিত ব্যৱসায়ী। উপাসনাও ব্যৱসায়ৰ সৈতে ওতপ্ৰোতভাৱে জড়িত।
১৯৯১ চনত পদ্মভূষণ সন্মানেৰে ভূষিত কৰা হৈছিল প্ৰতাপচন্দ্ৰক। ২০১০ চনত দিয়া হৈছে পদ্মবিভূষণ সন্মান। বেচৰকাৰী হাস্পতাল খোলাৰ পূৰ্বে প্ৰতাপচন্দ্ৰ এগৰাকী চিকিৎসক আছিল। হৃদৰোগ বিশেষজ্ঞ আছিল প্ৰতাপচন্দ্ৰ। বৰ্তমান পৰিয়ালসহ চেন্নাইত থাকে প্ৰতাপচন্দ্ৰ। প্ৰকাশিত এক তথ্যমতে তেওঁৰ মুঠ সম্পত্তিৰ পৰিমাণ ২০ হাজাৰ কোটি টকাৰো অধিক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
