বিবাহ পাশত আৱদ্ধ পি ভি সিন্ধু, বিয়াৰ প্ৰথম ফটো ভাইৰেল সামাজিক মাধ্যমত
বিবাহ পাশত আৱদ্ধ ভাৰতীয় বেডমিন্টন তাৰকা পি ভি সিন্ধু। ৰাজস্থানৰ যোধপুৰত পিভি সিন্ধুৱে বন্ধু ভেংকট দত্ত ছাইৰ সৈতে বিবাহপাশত আবদ্ধ হয়। কেন্দ্ৰীয় মন্ত্ৰী গজেন্দ্ৰ সিং শ্বেখাৱাটেও এই বিবাহ অনুষ্ঠানত অংশ লয়।
সম্পূৰ্ণ গোপনে ৰখা এই বিবাহৰ বৰ্তমানে কেৱল এখন ফটো ছচিয়েল মিডিয়াত ভাইৰেল হৈ পৰিছে। বিয়াৰ পূৰ্বে ১৪ ডিচেম্বৰত দুয়োৰে এংগেজমেণ্ট হৈছিল, যাৰ তথ্য সিন্ধুৱে তেওঁৰ অফিচিয়েল ইনষ্টাগ্ৰাম হেণ্ডেলত সদৰি কৰিছিল।
ফটো খন সদৰি হোৱাৰ পাছতে সকলো অনুৰাগীয়ে বিবাহৰ কথা জানিব পাৰে। ফটো খন দেখি ভাৰতীয় সংস্কৃতি আৰু পৰম্পৰাৰ আভাস বিয়াত দেখা যায়।
https://x.com/gssjodhpur/status/1871047784058523882
ফটোখন যোধপুৰৰ সাংসদ গজেন্দ্ৰ সিং শ্বেখাৱাটে তেওঁৰ অফিচিয়েল ‘এক্স’ হেণ্ডেলত শ্বেয়াৰ কৰি লিখিছে, “যোৱা সন্ধিয়া আমাৰ বেডমিণ্টন চেম্পিয়ন অলিম্পিয়ান পিভি সিন্ধু আৰু ভেংকট দত্ত ছাইৰ বিয়াত অংশগ্ৰহণ কৰি তেওঁলোকৰ নতুন জীৱনৰ বাবে শুভেচ্ছা জনালোঁ।”
পি ভি সিন্ধুয়ে স্বামী ৰূপে বৰণ কৰা ভেংকট দত্ত ছাই হায়দৰাবাদত বাস কৰে আৰু তেঁও প’ছিডেক্স টেকন’লজিছত জ্যেষ্ঠ পদত কাম কৰে। ভেংকট বিত্ত, তথ্য বিজ্ঞান আৰু সম্পত্তি ব্যৱস্থাপনাৰ সৈতে জড়িত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
