অচিৰেই ৰাহুল গান্ধীৰ বিয়া! ৰাহুলে মেকানিকৰ সৈতে হোৱা বৰ্তালাপত জনালে বিবাহৰ কথা

অসম লাইভ২৪ঃ সাধাৰণ ৰাইজৰ কাষলৈ ৰাহুলৰ যাত্ৰা৷ সৰ্বসাধাৰণৰ জীৱন সংগ্ৰামক কাষৰ পৰা অধ্যয়নৰ প্ৰয়াস ৰাহুলৰ৷ ট্ৰেক্টৰ চলোৱা, ভুঁই ৰোৱাৰ পাছত এইবাৰ মেকানিকৰ কাষত ৰাহুল৷ ভাৰত জুড়ো যাত্ৰাৰে এটা নতুন পৰ্যায় আৰম্ভ কৰিছে কংগ্ৰেছৰ যুৱৰাজ ৰাহুল গান্ধীয়ে। দেশৰ দৰিদ্ৰ সাধাৰণ জনতাৰ দুখ কষ্টৰ বুজ ল’বলৈ ৰাহুল গান্ধীয়ে আৰম্ভ কৰিছে এক নতুন প্ৰয়াস। শুক্ৰবাৰে চহা কৃষকৰ সৈতে ভুই ৰুই, ট্ৰেক্টৰ চলায় কৃষকৰ দুখ, কষ্টৰ লগতে কৃষকৰ জীৱনপ্ৰণালীৰ বিষয়ে বুজ লোৱা ৰাহুল গান্ধীয়ে এইবাৰ মেকানিকৰ সৈতে কথা বতৰা পাতে। আৰু তেঁওলোকৰ সংগ্ৰামৰ কথা বুজিবলৈ যত্ন কৰে।

স্থানঃ কৰোলবাগ৷ কৰোলবাগত আছে বিভিন্নধৰণৰ মেকানিকৰ দোকান। য’ত ৰিক্সা, বাইকৰ পৰা আৰম্ভ কৰি ট্ৰাক, বিলাসী বাহন সকলোৰে মেৰামতি কৰা হয়। এই মেকানিকসকলৰ লগত এটা দিন পাৰ কৰিলে ৰাহুল গান্ধীয়ে। যত তেঁও বিভিন্ন মেকানিকসকলৰ লগতে, অটোমোবাইল ইণ্ডাষ্টীৰ বিষয়ে জানিবলৈ উতসুক হৈ পৰে। কৰোলবাগৰ ইখনৰ পিছত সিখন দোকানত সোমাই মেকানিকসকলৰ লগত কথা পাতে ৰাহুলে। মেকানিকসকলৰ সুবিধা- অসুবিধা, পৰিয়ালৰ বিষয়ে সুধে ৰাহুলে। কথাৰ মাজতে ৰাহুলে মেকানিকৰ লগত একেলগে চাৰ্ভিছিঙৰ কামতো হাত দি কামৰ বিষয়ে অভিজ্ঞতা আহৰণ কৰে। কাম কৰি থকাৰ মাজতে অনা চাহৰো জুটি ল’লে ৰাহুলে। মেকানিকসকলৰ কষ্টৰ অনুভৱ কৰাৰ এয়া যেন এক প্ৰয়াস আছিল ৰাহুলৰ।

গাড়ীৰ কাম কৰোতে মাস্ক পিন্ধাটো দৰকাৰ৷ এনেদৰে মাজে মাজে মেকানিকসকলক স্বাস্থ্যৰো দিহা দি ৰাহুলে লগ কৰিলে ইজনৰ পিছত সিজন মেকানিকক। ইয়াৰ মাজতে এজন মেকানিকে ৰাহুলক প্ৰশ্ন কৰিলে, ‘আপুনি কেতিয়া বিয়া পাতিব?’ ৰাহুলৰ উত্তৰ, ‘অতি সোনকালে৷’ ইয়াৰ পিছতে মেকানিকজনকো বিয়াৰ কথা সোধাত তেঁও কলে, ‘দেউতাই ছোৱালী চাইছে। এতিয়া দৰমহা কম। ১৪-১৫ হাজাৰ টকাত ঘৰ কেনেকৈ চলাম। আন এজনে ৰাহুলক প্ৰশ্ন কৰিলে, ‘আপোনাৰ হাতত কোনখন বাইক আছে৷ ৰাহুলে দুখ প্ৰকাশ কৰি উত্তৰ দিলে, ‘KTM 390। কিন্তু দেহৰক্ষীসকলে চলাব নিদিয়ে৷’

এনেদৰে বিভিন্ন কথা বতৰাৰে দিনটোৰ সামৰণি মৰা ৰাহুলে শেষত মেকানিকসকলক উত্সাহী কৰি কৰি ক’লে- আপোনালোকে যি কাম কৰিছে সেয়া সন্মানীয়। কেৱল নিজৰ যোগ্যতাৰ ওপৰত বিশ্বাস ৰাখক আৰু আগবাঢ়ি যাওক। মেকানিকৰ লগত কটোৱা দিনটোৰ অভিজ্ঞতা বৰ্ণনা কৰি ৰাহুলে কয়, ‘কৃষকৰ অবিহনে যেনেকৈ খাদ্য লাভ কৰাটো অসম্ভৱ, তেনেকৈ আপোনালোকৰ অবিহনে দেশত প্ৰগতি অসম্ভৱ। মেকানিকসকলৰ ভৰিয়েই দেশত প্ৰগতিৰ চকা চলায়! ভাৰত জোড়োৰ নতুন পৰ্যায় হৈছে কৰোল বাগৰ ৰাস্তা – য’ত বাইকাৰ্ছ মেকানিক আছে, তেঁওলোকৰ ভিতৰৰে উমেদ শ্বাহ, বিকি সেন আৰু মনোজ পাছৱানৰ সৈতে দিনটো কটাও আৰু মেকানিকসকলৰ কামটো গভীৰভাৱে বুজিবলৈ চেষ্টা কৰিলো। ভাৰতৰ অটোমোবাইল উদ্যোগটো শক্তিশালী কৰিবলৈ ভাৰতৰ মেকানিকসকল শক্তিশালী হোৱাটোৰ খুবেই প্ৰয়োজন।’ বিদেশৰ ট্ৰাকচালক, দেশৰ কৃষক আৰু মেকানিকসকলৰ কাষলৈ গৈ তেঁওলোকৰ কাষ চপাৰ ৰাহুল গান্ধীৰ যি প্ৰচেষ্টা। সেয়ে নিশ্চয়কৈ প্ৰশংসনীয়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ