অতিকে শিহৰণকাৰী, কোনোমতে প্ৰাণ ৰক্ষা ৫০০ৰো অধিক লোকৰ, ২খন ট্ৰেইনৰ মুখামুখি সংঘৰ্ষ
কয়লা ভৰ্তি ২ খন ৰে’ল থিয় হৈ আছিল। হঠাৎ তাৰেই এখন মালবাহী ট্ৰেইনৰ ইঞ্জিন খুলি হৈ আন এখন মালবাহী ট্ৰেইনত প্ৰচণ্ড জোৰে খুন্দা মাৰে। সেই 0সংঘৰ্ষ ইমানেই প্ৰবল আছিল যে মালবাহী ট্ৰেইনখন ডবাবোৰেৰে সৈতে ৰেল আলীৰ পৰা বাগৰি যায়।
কিছুমান ডবা এটা আনটোৰ ওপৰত উঠি যায়। খুন্দা মৰা ইঞ্জিনটো মালবাহীত খুন্দা মাৰি আকৌ ওলটি গৈ আন এটা ট্ৰেকত পাৰ হৈ যোৱা আম্বালা জম্মু তাৱী যাত্ৰীবাহী ৰে’লচ প্ৰচণ্ড জোৰে খুন্দা মাৰে। সংঘৰ্ষ সংঘটিত হোৱাৰ লগে লগে যাত্ৰীসকলৰ মাজত হাহাকাৰ লাগি যায়।
সৌভাগ্যৰ কথা আছিল যে যাত্ৰীবাহী ট্ৰেইন খনৰ চালকে হঠাতে জৰুৰীকালীন ব্ৰেক লগাই দি এক ভয়ংকৰ দুৰ্ঘটনা সংঘটিত হোৱাৰ পৰা ৰক্ষা কৰে। পাইলটৰ বুদ্ধিমত্তাৰ বাবে ৫০০ৰো অধিক লোকৰ প্ৰাণ ৰক্ষা পৰে যদিও দুয়োখন মালবাহী ট্ৰেইনৰ লোকো পাইলট দুৰ্ঘটনাত গুৰুতৰভাৱে আহত হয়।
আজি দেওবাৰে পুৱা প্ৰায় ৩:৩০ মান বজাত ফাতেহগড় চাহাবৰ ছিৰহিন্দ ৰেলৱে ষ্টেচনৰ পৰা কিছু দূৰৈৰ মাধোপুৰ চৌকী সমীপৰ ডি এফ চি চি ট্ৰেকত সংঘটিত হয় এই দুৰ্ঘটনাটো।
দুৰ্ঘটনাত আহত লোকো পাইলটজন হৈছে ছাহাৰানপুৰ (ইউ পি) বাসিন্দা বিকাশ কুমাৰ (৩৭) আৰু ছাহাৰানপুৰ (ইউ পি) বাসিন্দা হিমাংশু কুমাৰ (৩১)। ১০৮ এম্বুলেন্সৰ সহায়ত দুয়োকে অসামৰিক চিকিৎসালয় ফাতেহগড় চাহাবত ভৰ্তি কৰোৱা হয়, পাছে তাৰেই এগৰাকীৰ অৱস্থা গুৰুতৰ হোৱা দেখি চিকিৎসকে পাটিয়ালাৰ ৰাজিন্দ্ৰ হাস্পতাললৈ প্ৰেৰণ কৰে।
সংবাদ মাধ্যমৰ বাতৰি অনুসৰি ছিৰহিন্দ ৰে’ল ষ্টেচনৰ নিৰ্দিষ্ট মালবাহী কৰিড’ৰত কয়লা ভৰ্তি এখন মালবাহী ৰে’ল থিয় হৈ আছিল। মাল নমাই ট্ৰেইনখন আগুৱাই নিব লগা হৈছিল যদিও ইফালে পিছফালৰ পৰা একেটা ট্ৰেকতে আন এখন ট্ৰেইন আহি যায়, যিখনে পিছফালৰ পৰা ইতিমধ্যে থিয় হৈ থকা মাল ট্ৰেইনখনৰ লগত খুন্দা মাৰে। ইফালে কলকাতাৰ পৰা জম্মু তাৱীলৈ যোৱা ০৪৬৮১ নম্বৰৰ বিশেষ গ্ৰীষ্মকালীন যাত্ৰীবাহী ৰে’লখন কাষৰীয়া ট্ৰেকৰ পৰা পাৰ হৈ যায় যদিও পাইলটে দুৰ্ঘটনা হোৱা দেখি গতি লেহেমীয়া কৰে।
সৌভাগ্যৰ কথা আছিল যে মাল ট্ৰেইনখনৰ ইঞ্জিন ওলোটা হোৱাৰ লগে লগে যাত্ৰীবাহী ৰেলখনৰ প্ৰথমটো বগীৰ সৈতে খুন্দা খাইছিল আৰু গতি লেহেমীয়া হোৱাৰ বাবে বিশেষ ক্ষতি হোৱা নাছিল। দুৰ্ঘটনাটোৰ তথ্য পোৱাৰ লগে লগে ৰে’লৱেৰ কৰ্মীসকলে সেই স্থানত উপস্থিত হয়। ইঞ্জিনৰ গ্লাছ ভাঙি লোকো পাইলটক উলিয়াই আনি চিকিৎসালয়লৈ লৈ যোৱা হয়। বিকাশৰ মূৰত আঘাত পোৱাৰ লগতে কঁকালত আঘাতপ্ৰাপ্ত হয় হিমাংশু।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
