অতিকে ভয়ংকৰ, একেটা পৰিয়ালৰে ৫ লোকে হেৰুৱালে প্ৰাণ, এগৰাকী সংকটজনক অৱস্থাত
আজি পুৱাই ৰাজস্থানত সংঘটিত হয় এক ভয়ংকৰ পথ দুৰ্ঘটনা। এটা দুৰ্ঘটনাত ৫ জন লোকৰ ঘটনাস্থলীতে মৃত্যু হয়, আনহাতে আন এগৰাকী লোক গুৰুতৰভাৱে আহত। এই দুৰ্ঘটনাটো সংঘটিত হৈছে ৰাজস্থানৰ ছিৰোহীত।
ঘটনা সন্দৰ্ভত জানিব পৰা অনুসৰি ৰাজ্যখনৰ ছিৰোহৰ ৰাষ্ট্ৰীয় ঘাইপথত ভাৰসাম্য হেৰুৱাই এখন বাহন ৬ যাত্ৰীৰে সৈতে উফৰি গৈ এটা নলাত পৰে। যাৰ ফলত থেতেলা খাই পৰে বাহন খন।
ইয়াৰ ফলত বাহন খনত ৬গৰাকী লোকেই গুৰুতৰবাৱে আহত হয়। কিন্তু উদ্ধাৰকাৰী দল আহি উদ্ধাৰ কৰাক লৈ ৫ জন লোকে ঘটনাস্থলীতে প্ৰাণ হেৰুৱাই। তথাপি কেউজনকে উদ্ধাৰ কৰি ততাতৈয়াকৈ হাস্পতাললৈ নিয়া হয়।
আৰক্ষীয়ে মৃতদেহকেইটা নিজৰ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে। ক্ষতিগ্ৰস্ত বাহনখন নিজৰ দখললৈ নিয়াৰ পিছত দুৰ্ঘটনাৰ গোচৰ ৰুজু কৰা হৈছে। দুৰ্ঘটনাটোত নিহতসকলৰ পৰিয়ালকো অৱগত কৰা হৈছে।
লাভ কৰা তথ্য অনুসৰি ৰাজস্থানৰ ছিৰোহীত চাৰিলেনযুক্ত ৰাষ্ট্ৰীয় ঘাইপথত গাড়ীৰ টায়াৰ ফাটি যোৱাৰ ফলতে এই বৃহৎ পথ দুৰ্ঘটনাটো সংঘটিত হয়। হঠাৎ তীব্ৰ বেগত চলি থকা গাড়ীখনৰ টায়াৰ ফাটি যোৱাত গাড়ীখনে নিয়ন্ত্ৰণৰ বাহিৰলৈ গৈ চাৰিলেনযুক্ত ঘাইপথৰ সিটো পাৰে নলাত পৰে।
আহত ৬ জনৰ ভিতৰত ৫ জনক চিকিৎসকে মৃত বুলি ঘোষণা কৰে। গুজৰাটৰ পৰা যোধপুৰলৈ গৈ আছিল দুৰ্ঘটনাটোত নিহত লোকসকল। দুৰ্ঘটনাটোৰ তথ্য লাভ কৰাৰ লগে লগে কোটৱালি থানাই সেই স্থানত উপস্থিত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
