অসম লাইভ২৪ঃ দক্ষিণৰ অভিনেতাসকল সদায়ে ব্যতিক্ৰম৷ দক্ষিণৰ অভিনেতাৰ সহজ-সৰল জীৱন ধাৰণে বহুতকেই আকৃষ্ট কৰে৷ শেহতীয়াভাৱে আকৌ এবাৰ মহানুভৱতাৰ বাবেই ভাইৰেল হৈ পৰিছে এজন অভিনেতা৷ তেলেগু-তামিল চলচ্চিত্ৰৰ অন্যতম জনপ্ৰিয় অভিনেতা ৰামচৰণে এটি কৰ্কট আক্ৰান্ত শিশুক লগ কৰিবলৈ যোৱাৰ ফটো ভাইৰেল হৈ পৰাৰ পাছতেই সমগ্ৰতে এতিয়া ৰামচৰণৰ চৰ্চা৷
RRR-ৰ দৰে ব্লকব্লাষ্টাৰ চিনেমা উপহাৰ দিয়া তাৰকা ৰামচৰণে এগৰাকী কৰ্কট আক্ৰান্ত অনুৰাগীক লগ কৰিবলৈকে হায়দৰাবাদৰ এখন হাস্পতাললৈ যায়৷ ৯ বছৰীয়া অনুৰাগী বাবুল মনি কিশোৰক লগ কৰি আগবঢ়াইছে উপহাৰো৷
ৰামচৰণে শিশু অনুৰাগীজনক লগ কৰাৰ পাছতেই এতিয়া ৰামচৰণক প্ৰশংসা কৰি বহুতেই সামাজিক মাধ্যমত ৰামচৰণৰ ফটো শ্বেয়াৰ কৰাও পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
