অসম লাইভ২৪ঃ অভিনেত্ৰী আছু ৰেড্ডী আৰু ৰাম গোপাল বাৰ্মা। দুয়োৰে কাষত থকা টেবুলত আছে সু-সজ্জিত সুৰাৰ বটল, চৌদিশে সন্ধিয়াৰ হেঙুলীয়া আভা। এই পৰিবেশ, এই পাৰিপাৰ্শ্চিকে যিকোনো প্ৰেমিক যুগলকেই বাউলি কৰি তুলিব ধুৰূপ। ভাইৰেল ফটোখনত, ভৰিৰ ওপৰত ভৰি তুলি বহি আছে অভিনেত্ৰী আশু ৰেড্ডী। চুটি হালধীয়া ৰঙৰ পোছাক পৰিহিতা আশুৰ দুভৰি উন্মুক্ত। উন্মুক্ত ভৰিৰ সন্মুখত টাইলছৰ মজিয়াত বহি আছে প্ৰখ্যাত পৰিচালক ৰামগোপাল বাৰ্মা। কথা পাতি থাকোঁতে হঠাতেই পৰিচালক ৰাম গোপালে এটা সময়ত অভিনেত্ৰীগৰাকীৰ সোঁ ভৰিত চুমা খাবলৈ ধৰে। তাৰ পিছত ভৰিৰ আঙুলিকেইটা মুখত ভৰাই।
এই ভিডিঅ’টো এতিয়া নেটদুনীয়াত তোলপাৰ লগাইছে। অভিনেত্ৰীগৰাকীৰ ভৰিত চুমা খোৱা ছবিখন প্ৰথমে পোষ্ট কৰিছিল খোদ ৰামগোপাল বাৰ্মাই। পিছত পৰিচালকে সমগ্ৰ ভিডিঅ’টোৰ ইউটিউব লিংকো শ্বেয়াৰ কৰে। য’ত দেখা যায় আগন্তুক ছবি ‘ডেঞ্জাৰাছ’ মুক্তিৰ পূৰ্বে আশুৱে সাক্ষাৎকাৰ দিছে। ভিডিঅ’টোৰ শেষত ৰামগোপালে অভিনেত্ৰীগৰাকীৰ ভৰিত কিয় চুমা খাই সেই বিষয়টোক লৈ বহুতৰেই মনত প্ৰশ্ন।
সামাজিক মাধ্যমত নেটিজেনৰ প্ৰশ্ন, ‘ৰামগোপালৰ জ্ঞান হেৰাই গৈছে নেকি? নে বিতৰ্কিত কোনো কাম নকৰিলে শিৰোনামালৈ আহিব নোৱাৰিব বুলি এই সকলোবোৰ কৰিছে?’ বহুতৰে ধাৰণা ডেঞ্জাৰাছ’ক জনপ্ৰিয় কৰিবলৈ এনেদৰে লাইমলাইটলৈ আহিবলৈকে এইবোৰ কৰিছে ৰামগোপালে। উল্লেখ্য, দুগৰাকী মহিলাৰ সমলৈংগিক প্ৰেম উদযাপনৰ পটভূমিতে নিৰ্মাণ কৰা হৈছে ‘ডেঞ্জাৰাছ’। চলিত বৰ্ষৰ মে’ মাহত মুক্তি পোৱাৰ কথা আছিল যদিও ৯ ডিচেম্বৰত মুক্তি পাব ৰামগোপালৰ পৰিচালনাত দেশৰ প্ৰথমখন সমকামী অপৰাধমূলক ছবি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
