‘ৰাম ভগৱান নহয়, ৰাম কাহিনীৰ এটা চৰিত্ৰহে৷’ এই বিস্ফোৰক দাবী কৰিছে বিহাৰৰ বিজেপি মৰ্চা চৰকাৰৰ অংশীদাৰ দলৰ এক বৰ্ষীয়ান নেতা তথা বিহাৰৰ এগৰাকী প্ৰাক্তন মুখ্যমন্ত্ৰীয়ে৷ তেওঁ হৈছে যতীন ৰাম মাঝি৷
এই যতীন ৰাম মাঝি হৈছে বিহাৰৰ ২৪ সংখ্যক মুখ্যমন্ত্ৰী৷ তেওঁ ২০১৪ চনৰ ২০ মে’ৰ পৰা ২০১৫ চনৰ ২০ ফেব্ৰুৱাৰিৰলৈকে বিহাৰ মুখ্যমন্ত্ৰী আছিল৷ ইমানেই নহয় হিন্দুস্তানী আম মৰ্চাৰ অধ্যক্ষ যতীন ৰাম মাঝি নীতিশ কুমাৰৰ পূৰ্বৰ চৰকাৰৰ কেবিনেট মন্ত্ৰীও আছিল৷
বিহাৰ প্ৰাক্তন মুখ্যমন্ত্ৰী যতীন ৰাম মাঝিয়ে এই দাবী কৰি কয় যে তেওঁ ৰামক বিশ্বাস নকৰে৷
লগতে পঢ় কাশ্মীৰ ফাইলছৰ পিছত এইবাৰ ‘দ্য দিল্লী ফাইলছ’, বিবেক অগ্নিহোত্ৰীৰ ঘোষণা
‘‘মই ৰামক বিশ্বাস নকৰো৷ ৰাম ভগৱান নহয়৷ ৰামক কাহিনীৰ এটা চৰিত্ৰ হিচাপে তুলসীদাস আৰু বাল্মিকীয়ে সৃষ্টি কৰিছিল৷’’ বিহাৰ প্ৰাক্তন মুখ্যমন্ত্ৰী মাঝিৰ দাবী৷
‘‘তেওঁলোকে ৰামায়ণ ৰচনা কৰিছিল আৰু তেওঁলোকৰ ৰচনাত বহু ভাল ভাল কথা আছে৷ আমি সেইবোৰ বিশ্বাস কৰো৷ আমি তুলসীদাস আৰু বাল্মিকীক বিশ্বাস কৰো, কিন্তু ৰামক বিশ্বাস নকৰো৷’’ বৰ্তমানৰ নীতিশ কুমাৰ চৰকাৰৰ মন্ত্ৰী সন্তুোষ মাঝিৰ পিতৃ যতীন ৰামা মাঝিয়ে লগতে আৰু কয়৷
বৃহস্পতিবাৰে দেশৰ সংবিধান প্ৰণেতা বি আৰ আম্বেদকাৰৰ জন্ম দিৱস উপলক্ষ্যে উদযাপন কৰা এক অনুষ্ঠানত ভাষণ প্ৰদান কৰি নীতিশ কুমাৰ চৰকাৰৰ অংশীদাৰৰ দল HAMৰ প্ৰধানগৰাকীয়ে লগতে কয় যে ‘‘যদি তোমালোকে ৰামক বিশ্বাস কৰা, তেতিয়া হ’লে আমি সেই কাহিনীক সদায় ফলৰ সোৱাদৰ দৰেহে গ্ৰহণ কৰো৷’’
লগতে পঢ়ক হোমৰ গুৰিত ৭ পাকৰ ঠাইত কিয় ৪ পাকহে ঘূৰিলে আলিয়া ৰণবীৰে? ভাতৃয়ে কৰিলে প্ৰকাশ
তেওঁ লগতে ব্ৰাহ্মণ সম্প্ৰদায়ক আক্ৰমণ কৰি কয়ে যে ব্ৰাহ্মণসকলে দলিতসকলক নিষ্পেষণ কৰি অহা বুলি দাবী কৰিছে৷ বিহাৰ প্ৰাক্তন মুখ্যমন্ত্ৰী মাঝিৰ মতে বিশ্বত মাত্ৰ দুটাহে জাতি আছে, এটা হৈছে ধনী আৰু আনটো হৈছে দুখীয়া৷
ভগৱান ৰামৰ জন্ম জয়ন্তী ৰাম নৱমীত সংঘটিত হিংসাত্মক ঘটনাৰ পিছতে বিহাৰৰ প্ৰাক্তন মুখ্যমন্ত্ৰী মাঝিয়ে কৰা এই মন্তব্যই দেশজুৰি ব্যাপক বিতৰ্কৰ সূচনা কৰাৰ আশংকা কৰা হৈছে৷ উল্লেখ্য যে ৰাম নৱমীৰ শোভাযাত্ৰাত গুজৰাট, মধ্য প্ৰদেশ, ঝাৰখণ্ড আৰু পশ্চিমবংগৰ বিভিন্ন স্থানত ব্যাপক হিংসাত্মক ঘটনা সংঘটিত হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
