বাংগালুৰু বিমানবন্দৰত ১৪.২ কিঃগ্ৰাঃ সোণসহ কান্নাড়া অভিনেত্ৰী ৰান্যা ৰাওৱক গ্ৰেপ্তাৰ কৰিছে আৰক্ষীয়ে৷ তেওঁত গ্ৰেপ্তাৰ কৰাৰ পাছতেই বহুতেই জানিব খুজিছে ইমান সোণ ক’ত, কেনেকৈ লুকুৱাই আনিছিল সুন্দৰীয়ে? ১৪কোটি ৫৬ লাখ সোণ সৰবৰাহত যুক্ত এই সুন্দৰীৰ সোণ অনাৰ কৌশল দেখি তবধ মানিছে আৰক্ষীয়েও৷
ডিজিপি কে ৰামচন্দ্ৰ ৰাওৱেই কন্যা ৰান্যাক সোন সৰবৰাহত সহায় কৰিছিল বুলিও অভিযোগ উঠিছে৷ অৱশ্যে ডিজিপি কে ৰামচন্দ্ৰ ৰাওৱে এই তথ্য ভুল বুলি দাবী কৰিছে৷ কন্যাৰ সৈতে এইধৰণৰ কাৰ্যকলাপত তেওঁ যুক্ত নহয় বুলিও জনাই দিছে৷ তদন্তত লাভ কৰা তথ্য অনুসৰি ৰাম্যাই ১৫ দিনত কেইবাবাৰো ডুবাইলৈ গৈছিল৷
এই ঘটনাৰ তদন্তত বুধবাৰে পোহৰলৈ আহিছে আন এক নতুন তথ্য৷ সৰ্বভাৰতীয় সংস্থাৰ সূত্ৰৰ খবৰ অনুসৰি ৰাম্যাই ইউটিউবত শিকিছিল সোণ সৰবৰাহৰ কৌশল৷ সূত্ৰৰ খবৰ যে শৰীৰৰ গোপন অংগত তেওঁ লুকুৱাই আনিছিল সোণ৷ ৰাম্যাই জেৰাত জনাইছে যে ভাৰতত বিদেশী সোণ অনাৰ বাবে ডুবাইত তেওঁ প্ৰথমে ভ্ৰমণৰ টিকট বুক কৰিছিল স্বামীৰ ক্ৰেডিট কাৰ্ডৰ পৰা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
