বলীউডৰ সকলো তাৰকাই এতিয়া অনন্ত ৰাধিকাৰ বিবাহৰ অনুষ্ঠানক হৈ ব্যস্ত৷ বিগত চাৰিমাহ ধৰি চলিছে তেওঁলোকৰ প্ৰাক-বিবাহৰ অনুষ্ঠান৷ জামেনগৰৰ পৰা আৰম্ভ হৈছে প্ৰাক বিবাহৰ অনুষ্ঠান৷ ইটালীত বিলাসী ক্ৰুজতো চলিল প্ৰি-ৱেডিং পাৰ্টী৷ অৱশেষত মুম্বাই চহৰ সাজি উঠিছে ৰাধিকা-অনন্তৰ বিবাহৰ বাবে৷
অনন্ত-ৰাধিকাৰ সংগীত চেৰিমনি ইতিমধ্যেই সম্পন্ন হৈছে৷ এই অনুষ্ঠানত গীত পৰিবেশনৰ বাবে আহিছে আমেৰিকাৰ পপ তাৰকা জাষ্টিন বেইবাৰ৷ আকাশলংঘী পাৰিশ্ৰমিকত ভাৰতত ভৰি দিছে জাষ্টিন বেইবাৰে৷ কেৱল জাষ্টিনেই নহয় বলীউড ছিংগাৰ বাদশ্বাহেও মোটা অংকৰ ধনৰ বিনিময়ত পৰিবেশন কৰিছে সংগীত৷
শুকুৰবাৰে এই সংগীত অনুষ্ঠানৰ আয়োজন কৰা হৈছিল৷ গায়ক কৰ্ণ আহুজাৰ সৈতে জুঁটি বান্ধি গীত পৰিবেশন কৰিছিল বাদশ্বাহে৷ পাঞ্জাৱী গানেৰে মেহফিল জমি উঠিছিল নীতা আম্বানী বিশেষ চেণ্টাৰত৷
এই অনুষ্ঠানৰ বাবে ৪কোটি টকা পাৰিশ্ৰমিক লৈছে বাদশ্বাহে৷ এই অনুষ্ঠানৰ কিছু দৃশ্য ইতিমধ্যে সামাজিক মাধ্যমত ভাইৰেলো হৈছে৷ অনুষ্ঠানত বাদশ্বাহেই নহয়, ক্ৰিকেট বিশ্বৰ লগতে বলীউডৰ বহু নামী-দামী তাৰকা উপস্থিত হৈছিল৷
উল্লেখ্য যে আম্বানীৰ সৰু পুত্ৰৰ সংগীতানুষ্ঠানত গীত পৰিবেশন কৰি ৮৩ কোটি টকা পাৰিশ্ৰমিক লৈছে জাষ্টিন বেইবাৰে৷ অনন্তৰ ভনীয়েক ঈশাৰ বিবাহতো গীত পৰিবেশন কৰিছিল জাষ্টিনে৷ সেই সময়ত তেওঁ প্ৰায় ৩৩ কোটি টকা পৰিশ্ৰমিক লৈছিল আম্বানীৰ পৰা৷ আগন্তুৰ ১২ জুলাইত ৰাধিকা-অনন্তৰ বিবাহ অনুষ্ঠানতো থাকিব বহু চাৰপ্ৰাইজ বুলি ধাৰণা কৰিছে এতিয়া নেটনাগৰিকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
