আজি হঠাতে ৰাহুল গান্ধীৰ দিল্লীৰ বাসভৱনত উপস্থিত মুকেশ আম্বানী
আজি ৪ জুলাই তাৰিখে হঠাতে দিনৰ ভাগত ৰাহুল গান্ধীৰ দিল্লীৰ বাসভৱনত উপস্থিত হয় এছিয়াৰ ভিতৰতে অন্যতম ধনাঢ্য ব্যক্তি মুকেশ আম্বানী। যি সময়ৰ ভিডিঅ’ বৰ্তমানে সামাজিক মাধ্যমত ভাইৰেল হৈ পৰিছে।
হঠাতে মুকেশ আম্বানীৰ তেনেদৰে ৰাহুল গান্ধীৰ ঘৰত উপস্থিত হোৱাত কৌতুহলৰ সৃষ্টি হৈছিল। আজি বৃহস্পতি বাৰে মুকেশ আম্বানী দিল্লীত উপস্থিত হয় আৰু পোনেই দিল্লীৰ ১০ জনপথস্থিত ৰাহুল গান্ধীৰ বাসগৃহত ৰাহুলক লগ কৰে।
পাছত অৱশ্যে সেয়া সকলো অনন্ত আম্বানীৰ বিয়াৰ বাবে বুলি আশা কৰা হৈছে। আম্বানী পৰিয়ালৰ কনিষ্ঠ পুত্ৰৰ বিবাহৰ নিমন্ত্ৰণী পত্ৰ দিয়াৰ বাবেই তেনেদৰে হঠাতে মুকেশ আম্বানী আহে বুলি সন্দেহ।
https://x.com/ANI/status/1808802132507963406
আম্বানী পৰিয়ালৰ পুত্ৰ অনন্ত আম্বানী আৰু ৰাধিকা মাৰ্চেন্টৰ বিবাহৰ অনুষ্ঠান ইতিমধ্যে আৰম্ভ হৈছে। ১২ জুলাই তাৰিখে বিবাহ পাশত আৱদ্ধ হব দেশৰ অন্যতন ধনী ব্যক্তি তথা পৰিয়ালৰ পুত্ৰৰ বিবাহ। বুধবাৰৰ পৰা মুম্বাইৰ এণ্টেলিয়াৰ বিবাহৰ কাৰ্যসুচী আৰম্ভ হৈছে।
দেশ বিদেশৰ পৰা বহু লোকৰ সমাগম ঘটিছে। ইতিমধ্যে প্ৰি-বিবাহ অনুষ্ঠান কেইবাটাও অনুষ্ঠিত হৈ গৈছে। যি অনুষ্ঠানত ইন্টাৰনেশনেল তাৰকা ৰিহানাৰ পৰা আৰম্ভ কৰি বহু দেশ-বিদেশৰ নামি-দামি তাৰকাৰ পয়োভৰ ঘটিছিল।
এইবাৰ বিবাহ অনুষ্ঠানতো বিদেশী তাৰকাৰ সমাগম হোৱাৰ সম্ভাৱনা। বিবাহৰ দিনা জাষ্টিন বিবাৰে সংগীত অনুষ্ঠান পৰিৱেশন কৰাৰ কথা। ইতিমধ্যে ভাৰতত আহি উপস্থিত হৈছে জাষ্টিন বিবাৰ। উল্লেখ্য যে, অনন্ত-ৰাধিকাৰ প্ৰি-বিবাহ অনুষ্ঠানতে বলীউডৰ তিনি খান ছলমান খান, শ্বাহৰুখ খান আৰু আমিৰ খানে একেলগে নৃত্য প্ৰদৰ্শন কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
