অসম লাইভ ২৪ঃ সৰু পৰ্দাৰ জনপ্ৰিয় ৰিয়েলিটী শ্ব’ বিগ বছৰ টীম সাজু হৈছে ১৫ নম্বৰ চিজনলৈ। বিগত বৰ্ষত ক’ৰোনা মহামাৰীৰ বাবে দেৰিকৈ আৰম্ভ হোৱা বিগ বছে বাৰুকৈয়ে মনোৰঞ্জন দিছিল দৰ্শকক। বিগ বছত কোন কোন প্ৰতিযোগী থাকিব সেই কথা নিৰ্মাতা সকলে শ্ব’ আৰম্ভ হোৱাৰ পূৰ্বে ৰাজহুৱা নকৰে যদিও ১৫ নম্বৰ চিজনৰ বাবে এজন প্ৰতিযোগীৰ নাম খুবেই চৰ্চাত আছে। বলীউডৰ অভিনেত্ৰী ৰিয়া চক্ৰৱৰ্তীয়ে এই বৰ্ষৰ বিগ বছত অংশগ্ৰহণ কৰাৰ সম্ভাৱনা আছে। ‘মেৰে ডেড কী মাৰুতি’, ‘ছোনালী কেবোল’ আৰু ‘জেলেবী’ৰ দৰে চিনেমাত অভিনয় কৰা ৰিয়াই বিগত বৰ্ষত সোমাই পৰিছিল বিতৰ্কত। অভিনেতা সুশান্ত সিং ৰাজপুতৰ আত্মহত্যাৰ ঘটনাৰ লগত নাম সাঙোৰ খাইছিল ৰিয়াৰ। পৰৱৰ্তী সময়ত কাৰাগাৰতো থাকিব লগীয়া হৈছিল ৰিয়া। সম্প্ৰতি জামিনত আছে অভিনেত্ৰীগৰাকী। ৰিয়াই বিগ বছত অংশগ্ৰহণ কৰিলে এইবাৰ জমি উঠিব বিগ বছ হাউছ। বিগ বছৰ অনুৰাগীসকলৰ মাজত এতিয়াৰে পৰাই দেখিবলৈ পোৱা গৈছে ইয়াৰ উৎসুকতা। যদিওবা ৰিয়া আৰু বিগ বছ নিৰ্মাতাসকলৰ ফালৰ পৰা এই সন্দৰ্ভত কোনো আনুষ্ঠানিক মন্তব্য অহা নাই, তথাপিও ৰিয়াক বিগ বছত চাবলৈ আগ্ৰহেৰে বাট চাইছে বিগ বছৰ ফেনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
