আন্তঃৰাষ্ট্ৰীয় বজাৰ আকাশলংঘী হৈছে খাৰুৱা তেলৰ মূল্য৷ ৰাছিয়াৰ ইউকক্ৰেইন আক্ৰমণৰ ফলতে আন্তঃৰাষ্ট্ৰীয় বজাৰত খাৰুৱা তেলৰ মূল্য এইদৰে বৃদ্ধি পোৱা বুলি প্ৰকাশ কৰিছে আন্তৰ্জাতিক বিশেষজ্ঞসকলে৷
প্ৰায় ১৪ টা বছৰৰ পিছত আন্তঃৰাষ্ট্ৰীয় বজাৰত খাৰুৱা তেলৰ দামে পূৰ্বৰ অভিলেখ ভংগ কৰিছে৷ আন্তঃৰাষ্ট্ৰীয় বজাৰত ইয়াৰ মূল্যই ২০০৮ৰ সৰ্বাধিক মূল্যকো অতিক্ৰম কৰিছে৷
আমেৰিকাসহ ইউৰোপীয়ান ইউনিয়নে ৰাছিয়াৰ পৰা খাৰুৱা তেল আমদানি বন্ধ কৰাৰ পিছত ইৰাণে আন্তঃৰাষ্ট্ৰীয় বজাৰলৈ অপৰিশোধিত খাৰুৱা তেলৰ সম্ভাৱ্য ৰপ্তানিকৰণ পলম কৰাৰ ফলতে সোমবাৰৰ দিনটোত আন্তঃৰাষ্ট্ৰী বজাৰত খাৰুৱা তেলৰ মূল্যই প্ৰতি বেৰেলত ১৩৯ মাৰ্কিন ডলাৰ স্পৰ্শ কৰিছে৷
লগতে পঢ়ক এই লক্ষণ দেখিলেই বুজিব স্ত্ৰী তৃতীয় ব্যক্তিৰ প্ৰতি আসক্ত! সেই লক্ষণসমূহ কি কি?
উল্লেখ্য যে ইউক্ৰেইন আক্ৰমণ কৰাৰ পিছতে বিশ্বৰ বহু ৰাষ্ট্ৰই ৰাছিয়াৰ পৰা খাৰুৱা তেল আমদানি কৰা বন্ধ কৰি দিছে৷ ইয়াৰ ফলতে আন্তঃৰাষ্ট্ৰীয় বজাৰত খাৰুৱা তেলৰ মূল্য এইদৰে হোৰাহোৰে বৃদ্ধি পোৱা বুলি প্ৰকাশ কৰা হৈছে৷
একাংশৰ মতে, আন্তৰ্জাতিক বজাৰত খাৰুৱা তেলৰ মূল্য বৃদ্ধিয়ে সকলো দেশৰ বজাৰতে প্ৰভাৱ পেলাইছে। ৰাছিয়ান মুদ্ৰা ৰুবেল আৰু চীনা মুদ্ৰা য়েনৰ বিনিময় বৃদ্ধি পাইছে। ভাৰততো মাৰ্কিন ডলাৰ আৰু টকাৰ বিনিময় মূল্য বৃদ্ধি পাইছে৷
আনহাতে, আন্তৰ্জাতিক বিনিয়োগকাৰীসকলৰ মাজত মূলধন তুলনামূলকভাৱে সুৰক্ষিত বজাৰলৈ স্থানান্তৰ কৰাৰ সম্ভৱনা আছে। ভাৰতীয় বজাৰত ইয়াৰ প্ৰভাৱ পৰিছে। সোমবাৰৰ দিনটোত ভাৰতীয় টকাৰ মূল্যও হ্ৰাস পোৱা পৰিলক্ষিত হৈছে৷ টকা আৰু ডলাৰ বিনিময় মূল্য হৈছে ১ মাৰ্কিন ডলাৰত ৭৬.৯৪ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
