২০২১ চনৰ জানুৱাৰি মাহ৷ তেতিয়াই এগৰাকী ২৩ বছৰীয়া সুন্দৰী মডেলে ৰাছিয়াৰ ৰাষ্ট্ৰপতি ভ্লাদিমিৰ পুটিনক এগৰাকী চাইক’পেথ বুলি অভিহিত কৰিছিল৷
ইয়াৰ ঠিক পিছতে গ্ৰেটা ভেডলাৰ নামৰ সুন্দৰী মডেলগৰাকী নিৰুদ্দেশ হয়৷ আৰু পিছত মডেলগৰাকীৰ মৃতদেহ এটা চ্যুটকেচত উদ্ধাৰ হয়৷
ইয়াৰ পিছতে প্ৰশ্ন উদয় হৈছে, ৰাষ্ট্ৰপতি পুটিনক চাইক’পেথ বুলি অভিহিত কৰাৰ বাবে মডেলগৰাকীক হত্যা কৰা হ’ল নেকি?
লগতে পঢ়ক কি কি আছে অজন্তা নেওগৰ বাজেটত? এই বাজেটৰ পৰা কোনে কোনে কি পাব?
মডেল গ্ৰেটাই সামাজিক মাধ্যমত ৰুছ ৰাষ্ট্ৰপতি ভ্লাদিমিৰ পুটিনৰ বিৰুদ্ধে বহু গুৰুতৰ অভিযোগ উত্থাপন কৰিছিল৷ গ্ৰেটাই লিখিছিল যে পুটিনে চাইক’পেথ হোৱাৰ বাবেই শৈশৱত বহুত অপমান সহ্য কৰিবলগীয়া হৈছিল৷ মডেল গ্ৰেটাৰ মতে পুটিনৰ শৈশৱত স্পষ্টভাৱে মনোৰোগৰ প্ৰায়বোৰ লক্ষণ দেখা গৈছিল৷
গ্ৰেটা ভেডলাৰে লগতে কৈছিল যে হয়তো পুটিনে সঁচাকৈয়ে ৰাছিয়াক গতিশীল কৰিবলৈ বিচাৰিছিল আৰু আন্তৰিকতাৰে ৰাছিয়াৰ কল্যাণ কামনা কৰিছিল। ‘কিন্তু এনে এজন মানুহে কিবা কৰাটো সঁচাকৈয়ে সম্ভৱ নে বুলিও প্ৰশ্ন কৰিছিল৷
গ্ৰেটাই ছ’চিয়েল মিডিয়াত এইদৰে পুটিন বিৰোধী কথা কোৱাৰ পিছতে নিৰুদ্দেশ হয়। সকলোৱে ধৰি লয় যে ইয়াৰ আঁৰত ৰাছিয়াৰ ৰাষ্ট্ৰপতিজনো হয়তো জড়িত আছে। সঁচাই ৰুছ ৰাষ্ট্ৰপতিগৰাকী ইয়াত জড়িত আছিল নেকি?
লগতে পঢ়ক ভাৰতক প্ৰত্যাক্ৰমণ বাবে সাজু হৈছিল চিৰ বৈৰী পাকিস্তান! কিন্তু কিয়?
অৱশ্যে, অনুসন্ধানত প্ৰকাশ পাইছে যে প্ৰাক্তন প্ৰেমিক দিমিত্ৰি কোৰোৱেনে মডেল গ্ৰেটাক হত্যা কৰে। প্ৰকাশ পোৱা মতে দিমিত্ৰিয়ে সেই অপৰাধ স্বীকাৰো কৰে।
প্ৰকাশিত খবৰ মতে দিমিত্ৰিয়ে পইচাৰ বাবেই হোটেলৰ এটা কোঠাত গ্ৰেটাক উশাহ বন্ধ কৰি হত্যা কৰে৷ গ্ৰেটাক হত্যা কৰি মৃতদেহটো হোটেলৰ কোঠাটোত লুকুৱাই ৰাখে যদিও পিছত সুযোগ বুজি এটা চ্যুটকেচত মৃতদেহটো ভৰাই লিপেটস্ক অঞ্চলত পেলাই দিয়ে। আৰু গ্ৰেটাৰ মৃতদেহটো তাৰ পৰাই উদ্ধাৰ কৰা হয়।
ইয়াৰ পিছতে দিমিত্ৰিয়ে গ্ৰেটাৰ চ’ছিয়েল মিডিয়াৰ পেজ চলাই ফ’টো আদি পোষ্ট কৰিবলৈ আৰম্ভ কৰে৷ সেয়ে গ্ৰেটাক হত্যা কৰাৰ পিছতো বহু দিনলৈ জীয়াই থকা বুলিয়ে ভবা হৈছিল৷
কিন্তু পিছত গ্ৰেটাৰ খাৰকিভত থকা এগৰাকী ব্ল’গাৰ বন্ধুৱে গ্ৰেটাৰ চ’ছিয়েল মিডিয়াৰ পেজটোৰ প্ৰতি সন্দেহ হোৱাত মস্কোত এক নিৰুদ্দেশৰ গোচৰ ৰুজু কৰা হয়৷ ইয়াৰ পিছতে মস্কো আৰক্ষীয়ে অনুসন্ধান কৰি সমগ্ৰ হত্যাকাণ্ডটো পোহৰলৈ আনে৷
অৱশ্যে হত্যাকাণ্ডটোত পুটিন বা পুটিন প্ৰশাসন কোনো ধৰণেৰে জড়িত নহয় বুলি প্ৰকাশ পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
