ট্ৰাম্পৰ কেবিনেটত কোন কোন হাই প্ৰফাইল লোক, ভাৰতীয় লোকৰ লগতে স্থান ইলন মাস্কৰো
আমেৰিকাৰ দ্বিতীয়বাৰৰ বাবে ৰাষ্ট্ৰপতি নিৰ্বাচিত হোৱাৰ পিছত ড’নাল্ড ট্ৰাম্পে ঘোষণা কৰিছে নিজৰ নতুন কেবিনেট সদস্যৰ নাম। এই দলত আছে ভাৰতীয় লোকৰ লগতে বহু কেইগাৰকী হাই প্ৰফাইল লোক। ইলন মাস্কেও স্থান পাইছে ট্ৰাম্পৰ কেবিনেটত।
ট্ৰাম্পৰ নতুন কেবিনেটত ইলন মাস্কৰ পৰা বিবেক ৰামাস্বামীলৈকে নতুন নামে সুযোগ লাভ কৰিছে। ৰাষ্ট্ৰপতি নিৰ্বাচনত জয়ী হোৱাৰ পিছত ভাষণত ইলন মাস্ক আৰু তেওঁৰ কোম্পানীৰ বহু প্ৰশংসা কৰিছিল ট্ৰাম্পে। দীৰ্ঘদিন ধৰি জল্পনা-কল্পনাও চলি আছিল যে যদিহে ট্ৰাম্পে নিৰ্বাচনত জয়ী হয় তেন্তে ইলন মাস্কে নিশ্চিতভাৱে নিজৰ দলত স্থান লাভ কৰিব। এতিয়া সেয়া দিঠকত পৰিণত হোৱাৰ দিশে।
ৰাষ্ট্ৰপতি নিৰ্বাচিত হোৱাৰ পাছত ড’নাল্ড ট্ৰাম্পে ২০২৫ চনৰ ২০ জানুৱাৰীত শপত গ্ৰহণ কৰিব। ইতিমধ্যে তেওঁ নিজৰ চৰকাৰখনক ফলপ্ৰসূ আৰু কাৰ্যক্ষম কৰি তুলিবলৈ বহু গুৰুত্বপূৰ্ণ সিদ্ধান্ত গ্ৰহণ কৰিবলৈ আৰম্ভ কৰিছে। এই ক্ৰমত ট্ৰাম্পে চৰকাৰী দক্ষতা বিভাগৰ দায়িত্ব টেছলা আৰু স্পেচএক্সৰ মুৰব্বী ইলন মাস্ক আৰু ভাৰতীয় মূলৰ ব্যৱসায়ী তথা উদ্যোগী বিবেক ৰামাস্বামীক অৰ্পণ কৰিছে।
আনহাতে ফক্স নিউজৰ এংকৰ পিট হেগছেথকো ড’নাল্ড ট্ৰাম্পৰ দলত অন্তৰ্ভুক্ত কৰা হৈছে। জানিব পৰা মতে ট্ৰাম্পে পিট হেগছেথক প্ৰতিৰক্ষা মন্ত্ৰী কৰিবলৈ ওলাইছে।
একে সময়তে ট্ৰাম্পে ষ্টিভেন উইটকফক মধ্যপ্ৰাচ্যৰ প্ৰতিনিধি হিচাপে নিযুক্তি দিছে। ইৰাক আৰু আফগানিস্তানৰ যুদ্ধৰ অভিজ্ঞতাও ষ্টিভেনৰ আছে।
ট্ৰাম্পে তেওঁৰ সহায়িকা এলিছ ষ্টেফানিকক ৰাষ্ট্ৰসংঘত আমেৰিকাৰ ৰাষ্ট্ৰদূত হিচাপে প্ৰেৰণ কৰাৰ প্ৰস্তাৱ দিছে। ৰাষ্ট্ৰপতি নিৰ্বাচনত ষ্টেফানিক গুৰুত্বপূৰ্ণ মিত্ৰৰ ভূমিকা পালন কৰিছিল। ট্ৰাম্পৰ দলৰ পৰৱৰ্তী নাম টম হোমেন। আমেৰিকাৰ সীমান্ত আৰু অবৈধ অনুপ্ৰৱেশকাৰীক বিতাড়নৰ দায়িত্বত টম হোমানক নিযুক্তি দিছে ট্ৰাম্পে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
