অসম লাইভ২৪ঃ এখন ভৰিৰ ওপৰতেই জোৰ দি ক্ষমতা দেখুৱালে গ্লেন মেক্সৱেলে। ফিনিচাৰ হিচাপে মেক্সৱেলে কি কৰি দেখুওৱালে সেই কথা পৃথককৈ নক’লেও হ’ব। এখন ভৰিত পোৱা আঘাত সামৰিয়েই দলটোক বিজয়ৰ সোৱাদ দিলে মেক্সৱেলে। মেক্সৱেলৰ ইনিংছত মুগ্ধ শচীন তেণ্ডুলকাৰো। অষ্ট্ৰেলিয়াক ২৯২ ৰানৰ টাৰ্গেট দিছিল আফগানিস্তানে। কিন্তু মেচত নামিয়েই ৯১ ৰানত ৭ উইকেট হেৰুৱাইছিল অষ্ট্ৰেলিয়াৰ দলটোৱে। তাৰপিছতেই বহুতেই ভাৱি পেলাইছিল এইবাৰ অষ্ট্ৰেলিয়াই ছেমিফাইনেলৰ পূৰ্বেই বিদায় ল’ব। এই পৰাজয়মুখী যাত্ৰাৰ পৰা প্ৰত্যাবৰ্তনৰ কথা ভৱিবই পৰা নাছিল কোনোৱে। কিন্তু ভাৱিলেই জানো সকলো কথা সঁচা হয়! অকলেই দলক লৈ গ’ল ছেমিফাইনেললৈকে। মেক্সৱেলক আকৌ এবাৰ বিশ্বৰ ক্ৰিকেটপ্ৰেমীয়ে ছ্যেলুট দিবলৈ বাধ্য হৈছে। মেক্সৱেলে ১২৮ বলত ২০১ ৰান কৰি অপৰাজিত থাকে।
https://x.com/sachin_rt/status/1721935549504864621?s=20
মাইকেল বেভানৰ সৈতে মেক্সৱেলক তুলনা কৰা হৈছে। অষ্ট্ৰেলিয়াৰ মেচৰ পাছতেই এক্স হেণ্ডেলত শচীন তেণ্ডুলকাৰে লিখিছে, ‘মেক্স প্ৰেচাৰৰ পৰা মেক্স পাৰ্ফৰমেন্স। মোৰ জীৱনত দেখা এয়া সৰ্বশ্ৰেষ্ট খেল।’ মেক্সৱেলক প্ৰশংসা কৰিলেও শচীনে পাহৰি যোৱা নাই আফগানিস্থানৰ খেলুৱৈ ইব্ৰাহিম জৰদানক। ইব্ৰাহিম জৰদানেও ভাল ইনিংছ খেলিছে। দ্বিতীয় হাফত ইব্ৰাহিমে শতক অৰ্জন কৰিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
