অসম লাইভ২৪ঃ ৫৭ বছৰীয়া হ’ল ভাইজান। ছলমান খানৰ ওপজা দিনটোতেই মুম্বাইত সংবাদকৰ্মীৰ সৈতে দেখা গ’ল ভাইজানক। বয়স বাঢ়িলেও ভাইজানৰ অনুৰাগী জানো কম। কোটি কোটি অনুৰাগী কেৱল আমাৰ দেশতেই। বৰ্তমানো সম্পূৰ্ণ সুস্থ-সুঠাম, সৱল চিৰতৰুণ ভাইজানক চাবলৈ অনুৰাগীৰ হেতাঁওপৰা। আৰক্ষী তথা বডীগাৰ্ডে প্ৰতিসময়তে বেঢ়ি ৰখা ভাইজানে কেতিয়া ভৰি দিছিল চিনেমা জগতত? পিতৃৰ সফলতাৰ বাবেই ছলমানে পাইছিল নেকি এই সুযোগ? বৰ্তমান কোটি কোটি টকাৰ সম্পত্তিৰ গৰাকী ছলমান খানে প্ৰথমে কাম আৰম্ভ কৰোতে পাৰিশ্ৰমিক কিমান পাইছিল।
১৯৬৫ চনৰ ২৭ ডিচেম্বৰত জন্মলাভ কৰা ছলমান খানে খুব কম বয়সতেই চিনেমাজগতত প্ৰৱেশ কৰিছিল। ৮০ ৰ দশকত কাম আৰম্ভ কৰোতে ছলমানৰ পাৰিশ্ৰমিক আছিল বহু কম। ১০০ টকাও লাভ কৰা নাছিল ভাইজানে। মাত্ৰ ৭৫ টকাত মুম্বাইৰ তাজ হোটেলত বেকগ্ৰাউণ্ড ডান্সাৰ হিচাপে প্ৰথম কাম আৰম্ভ কৰিছিল ভাইজানে। ইফালে ভাইজানৰ প্ৰথম জনপ্ৰিয় ছবি ‘মেনে প্যাৰ কিয়া’ৰ বাবে লাভ কৰিছিল মাত্ৰ ৩১ টকা পাৰিশ্ৰমিক।
ভাইজানে আজিৰ এই জনপ্ৰিয়তা অৰ্জনৰ আঁৰত আছে বহু অজানা অধ্যায়। কেতিয়াবা যদি বহু প্ৰশংসা লাভ কৰিছে কেতিয়াবা আকৌ কাৰাগাৰৰ অন্ধকাৰ কোঠৰীত পাৰ হৈছে দিনৰ পাছত দিন। এইবোৰৰ মাজতেই অব্যাহত ৰাখিছে অভিনয় যাত্ৰা। তেওঁৰ জনপ্ৰিয় ছবিসমূহৰ ভিতৰত আছে হাম আপকে হে কৌন, কৰণ-অৰ্জুন, ডাবাং, প্যাৰ কিয়া তৌ ডৰ’ণা ক্যা, বডীগাৰ্ড, এক থা টাইগাৰ, বজৰংগী ভাইজানৰ দৰে ছবিয়েই ছলমানৰ কেৰিয়াৰ গ্ৰাফডাল ওপৰলৈ লৈ গ’ল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
