সন্ত্ৰাসবাদীয়ে ৰক্তাক্ত কৰিছে ভূস্বৰ্গ কাশ্মীৰৰ পহেলগ্ৰাম৷ মঙ্গলবাৰে দুপৰীয়া কাশ্মীৰৰ অনন্তনাগ জিলাত সেই পৰ্যটনকেন্দ্ৰৰ বৈছৰন উপত্যকাত সন্ত্ৰাসবাদী আক্ৰমণৰ ঘটনা ঘটিছে৷ সেনাই নিশ্চিত কৰিছে যে বৈছৰণ উপত্যকালৈ ফুৰিবলৈ অহা পৰ্যটকসকলৰ এটা দলক লক্ষ্য কৰি এই আক্ৰমণ চলোৱা হৈছে৷ এই ঘটনাৰ পাছৰে পৰাই সমগ্ৰ দেশজুৰি সৃষ্টি হৈছে চাঞ্চল্যৰ৷ এই ঘটনাক লৈ নিজৰ খঙৰ বহিঃপ্ৰকাশ কৰিছে এতিয়া বলীউড তাৰকাসকলেও৷ এসময়ত কাশ্মীৰক এই পৃথিৱীৰ সকলোতকৈ সুন্দৰ স্থান বুলি কৈছিল ছলমান খানে৷ মঙলবাৰে উগ্ৰপন্থীৰ আক্ৰমণৰ পাছতেই দৃষ্টিভংগী সলনি হৈছে ভাইজানৰ৷
‘বজৰংগী ভাইজান’ ছবিৰ সময়ত দীৰ্ঘদিন পহেলগ্ৰাম আৰু ভেলিৰ দৰে স্থানত শ্বুটিং কৰিছিল ছলমান খানে৷ সেই সময়তেই কাশ্মীৰৰ ৰূপত মুগ্ধ হৈছিল অভিনেতা ছলমান৷ তেওঁ দেখা সেই কাশ্মীৰ মাত্ৰ কেইঘণ্টামানৰ ভিতৰতেই সলনি হৈছে৷ ছলমানে লিখিছে, ‘পৃথিৱীৰ বুকুৰ স্বৰ্গ নৰকত পৰিণত হৈছে৷ সাধাৰণ মানুহক হত্যা কৰা হৈছে৷ নিহতসকলৰ পৰিয়ালৰ প্ৰতি সমবেদনা জ্ঞাপন কৰিছো৷ মনত ৰাখিব এজন নিৰ্দোষীক হত্যাৰ কৰাৰ অৰ্থ সমগ্ৰ পৃথিৱীক হত্যা কৰা৷’
ঘটনাক লৈ প্ৰতিক্ৰিয়া ব্যক্ত কৰিছে সঞ্জয় দত্তইয়ো৷ তেওঁ ক্ষোভপ্ৰকাশ কৰি লিখিছে, ‘ঠাণ্ডা মূৰেৰে আমাৰ দেশৰ লোকক হত্যা কৰিছে৷ এই ঘটনাক ক্ষমা কৰিব নোৱাৰি৷ এই সন্ত্ৰাসবাদী সকলে বুজা উচিত যে আমিও চুপ নাথাকো৷ আমি এই ঘটনাৰ প্ৰতুত্ত্যৰ দিবই লাগিব৷ প্ৰধানমন্ত্ৰী মোদী আৰু গৃহমন্ত্ৰী অমিত শ্বাহক অনুৰোধ কৰিছো এই ঘটনাৰ যোগ্য জৱাব দিয়ক৷’ একেধৰণেই ক্ষোভ প্ৰকাশ কৰিছে শ্বাহৰুখ খান, অক্ষয় কুমাৰ, প্ৰিয়ংকা চোপ্ৰাইয়ো৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
