অসম লাইভ২৪ঃ ডাঃ সংগীতা দত্তৰ তেজৰ নমুনা সংগ্ৰহ কৰিলে জিএমচিএইছৰ চিকিৎসকে। বেজীলৈ বৰ ভয় কৰা দত্তক পূৰ্বেও তেজৰ নমুনা সংগ্ৰহ কৰাৰ বাবে গুৱাহাটী চিকিৎসা মহাবিদ্যালয় হাস্পতাললৈ নিয়া হৈছিল যদিও নমুনা সংগ্ৰহ কৰিব পৰা নাছিল৷ ডাঃ সংগীতাই দেখুওৱা নানান অজুহাতৰ বাবে সংগ্ৰহ কৰিব পৰা নাছিল তেজৰ নমুনা। বৃহস্পতিবাৰে পুনৰ তেওঁক মহিলা আৰক্ষী থানাৰ পৰা GMCH লৈ নি তেজৰ নমুনা সংগ্ৰহ কৰা হয়।
তেজৰ নমুনা ডি এন এ পৰীক্ষাৰ লগতে আন যাৱতীয় পৰীক্ষা–নিৰীক্ষাৰ বাবে সংগ্ৰহ কৰা হৈছে। তেজৰ নমুনা সংগ্ৰহৰ বাবে লৈ যোৱা অৱস্থাত সংগীতা দত্তক অতি শান্ত দেখা গৈছিল। পূৰ্বৰ দৰে নাছিল কোনো চিঞৰ–বাখৰ, আনকি সাংবাদিকে কিবা ক’ব নেকি বুলি সোধোঁতেও গা–মূৰ ঢাকি লোৱাও পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
