বাৰ্গাৰ বা পিজ্জা দেখিলে লোভ সামৰিব নোৱাৰে৷ স্বাস্থ্যকৰ ভাৱি যি পেকেটজাত ফলৰ ৰস বা দৈ আদি খাই আছে বা শিশুকো খুৱাইছে সেয়া স্বাস্থ্যসন্মতনে? পুৱাৰ পৰা নিশালৈ যিসমূহ পেকেটজাত খাদ্য খাইছে সেইসমূহেই প্ৰজনন ক্ষমতা হ্ৰাস আৰু কৰ্কটৰ আশংকা বঢ়াই বুলি দাবী কৰিছে বিশ্ব স্বাস্থ্য সংস্থাই৷ হাৰ্ভাৰ্ড ইউনিভাৰ্ছিটিৰ সাম্প্ৰতিক সমীক্ষাত দাবী কৰা হৈছে যে দৈনিক আমি পেটত বিষ সোমোৱাই আহিছো৷ এনে কিছু ৰাসায়নিক তেজত জমা হৈছে যাক প্ৰতিৰোধ কৰা দুঃসাধ্য হৈ উঠিছে৷
থেলেট, বিছফেনল, পিএফএছৰ দৰে কিছু ৰাসায়নিকৰ নাম উল্লেখ কৰা হৈছে গৱেষণাপত্ৰত৷ যিয়ে শৰীৰত হৰমনৰ ভাৰসাম্য নষ্ট কৰিব পাৰে৷ ক’ৰ পৰা আহে এইসমূহ ৰাসায়নিক? গৱেষকে জনাইছে যে অধিকাংশ পেকেটজাত খাদ্যত নানান ধৰণৰ প্ৰিজাৰভেটিভ আৰু এডিটিভ থাকে যাৰ মাজত এইসমূহ ৰাসায়নিক পোৱা গৈছে৷ যেনেকৈ চকলেট, বিস্কুট, কুকিজ, বটলত থকা ফলৰ ৰস, ইনষ্টেণ্ট নুডল আদিত থাকে ছডিয়াম নাইট্ৰাইট যৰ পৰা কৰ্কট মস্তিষ্কৰ সচলতা হ্ৰাস, স্নায়বিক সমস্যা ইত্যাদি ঘটিব পাৰে৷
ফ্ৰোজেন মাংস বা ভজা খাদ্য প্ৰায়েই দোকানৰ পৰা কিনা হয়৷ অনলাইন অৰ্ডাৰ দি বহুতেই খায়৷ এইদৰে ফ্ৰজেন কৰি থোৱা খাদ্যত মিহলোৱা হয় এন-নাইট্ৰাছ যৌগ কাৰণ সংৰক্ষণৰ বাবে এই যৌগৰ প্ৰয়োজন হয়৷ আৰু এই এন-নাইট্ৰাছ যৌগৰ ফলত কলন আৰু পাকস্থলীৰ কেন্সাৰৰ আশংকা বৃদ্ধি পায়৷ ডায়েটত ছৌডা, জিৰো কেলোৰি পানীয়, চিউইংগামতো এনে ৰাসায়নিক থাকে যিয়ে মূত্ৰথলিৰ কৰ্কটৰ কাৰণ হব পাৰে৷ খাদ্য পেকেটবন্দী কৰা আৰু সংৰক্ষণৰ বাবেও কিছু ৰাসায়নিক ব্যৱহাৰ কৰা হয় যত বিছফেনল এ আৰু বিপিএৰ দৰে ৰাসায়নিক পোৱা গৈছে৷ যিয়ে ৰক্তত মিহলি হৈ কিডনিৰ সমস্যা তৈয়াৰ হব পাৰে৷ সমস্যা হব পাৰে প্ৰজননতো৷ আকৌ ৰোষ্ট কৰা খাদ্য বা উচ্চ তাপমাত্ৰাত ভজা খাদ্যত থাকে এক্ৰিলামাইড যৌগ, যিয়ে ডি এন এৰ ক্ষতি কৰে৷ এই ৰাসায়নিক বেছি পৰিমাণে তেজত জমা হলে প্ৰজনন ক্ষমতা হ্ৰাসৰ আশংকা বাঢ়ি যাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
