আকৌ পৃথিৱীৰ বুকুলৈ উভতি আহিব ডাইনাছোৰ৷ ভাৱিলেই আচৰিত লাগে৷ বিজ্ঞানীও এই চেষ্টাতেই ব্যস্ত হৈ আছে৷ বিজ্ঞানীয়েই অচিৰেই পৃথিৱীৰ বুকুত জন্ম দিব ডাইনাছোৰৰ৷ কিন্তু সেই ডাইনাছোৰ হ’ব ৰবটিক ডাইনাছোৰ৷ কেইবাটাও প্ৰাচীন প্ৰাণীক আকৌ পৃথিৱীত ৰবট আকাৰে উভতাই অনাৰ কামত ব্যস্ত এতিয়া বহু বিজ্ঞানী৷
পৃথিৱীত এসয়মত ৰাজত্ব কৰিছিল ডাইনাছোৰ৷ তাৰপাছতেই প্ৰকৃতিৰ নিয়মতেই বিলুপ্তও হৈ যায়৷ বিজ্ঞানীয়ে ধাৰণা কৰিছে হাজাৰ হাজাৰ বছৰ পূৰ্বে হেৰাই যোৱা সেই প্ৰাণীসমূহ আজিও মানুহৰ মনত এক ৰহস্য৷ সেয়ে যদি ৰোবোটৰ আকাৰে এই ডাইনাছোৰসমূহ উভতাই অনা হয় তেন্তে বৰ্তমান সমাজত আকৌ নতুনকৈ এইসমূহৰ বিষয়ে জানিবলৈ নতুন প্ৰজন্ম আগ্ৰহী হ’ব৷
আনকি জুৰাছিক পাৰ্কৰ দৰে এখন পাৰ্ক নিৰ্মাণৰ কথাও ভাৱিছে বিজ্ঞানীয়ে৷ ইয়াতেই ডাইনোছোৰৰ জন্মৰ পৰা আৰম্ভ কৰি ডাঙৰ হোৱালৈকে সকলো দেখুওৱা হ’ব৷ পৰ্দাত দেখুওৱা সেই সকলো ছবি বাস্তৱ আকাৰে দেখুওৱা হ’ব৷ এই কামত বিপুল পৰিমানৰ অৰ্থ খৰচ হ’ব৷ অৱশ্যে ক’ত এই ৰোবোটিক পাৰ্কখন নিৰ্মাণ কৰা হ’ব সেয়া এতিয়াও স্থিৰ কৰা হোৱা নাই৷
প্ৰকৃততে ডাইনো ৰোবোট তৈয়াৰ কৰিবলৈ যি সময় লাগিব সেই বিষয়টো মূৰত ৰাখিছে বিজ্ঞানীয়ে৷ হেৰাই যোৱা এই প্ৰাণীসমূহ যদি আকৌ জীৱন্ত আকাৰে দেখুৱাবলৈ সক্ষম হয় তেন্তে এই বিষয়টো জানিবলৈ বহু শিশু আগ্ৰহী হৈ উঠিব৷ আকৌ এক নতুন উত্তেজনা আহিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
