অতিকে ভয়ংকৰ- ৭ বছৰে ধৰি এজনে কৰি আহিছিল এনে কাম, বৰ্ণনা শুনি শিয়ঁৰি উঠে আৰক্ষীয়ো, যাৱজ্জীৱন শাস্তি
এক অতিকে ভয়ংকৰ ঘটনা পোহৰলৈ আহিছে। এজন চিৰিয়েল কিলাৰৰ হত্যাৰ বৰ্ণনা শুনি আৰচিত হৈ পৰিছে আৰক্ষীয়ো। চিৰিয়েল কিলাৰে বিগত ৭ বছৰে ধৰি এগৰাকী দুগৰাকী নহয়, মুঠ ১৫ গৰাকীকৈ কন কন শিশু অপহৰণ কৰি নি ধৰ্ষণ কৰি হত্যা কৰে।
এই শিশু সকলৰ বয়স কাৰোবাৰ যদি তিনিবছৰ, কাৰোবাৰ ছয় বছৰ। চিৰিয়েল কিলাৰে এখন ৰাজ্যতে ইমানবোৰ ঘটনা সংঘটিত কৰা নাছিল।
বিগত কেইবছৰমানৰ পৰা পাষণ্ডই বিভিন্ন ৰাজ্য ভ্ৰমণ কৰি এই ১৫ টা কৈ নৃশংস হত্যাকাণ্ড সংঘটিত কৰিছিল। ইতিমধ্যে সেই চিৰিয়েল কিলাৰ পাষণ্ডক গ্ৰেপ্তাৰ কৰা হৈছে , লগতে আদালতৰ পৰা শাস্তিও পাইছে। আদালতে যাৱজ্জীৱন কাৰাদণ্ডৰ শাস্তি প্ৰদান কৰিছে অপৰাধীক।
সমগ্ৰ ভাৰতীয় সংবাদ মাধ্যমৰ সূত্ৰ অনুসৰি ছিৰিয়েল কিলাৰৰ নাম সুনীল। উত্তৰ প্ৰদেশৰ গুঞ্জৰৰ বাসিন্দা সুনীল। প্ৰথমবাৰৰ বাবে ২০১৭ চনত গুৰুগ্ৰামৰ চিভিল লাইন অঞ্চলত এটি ছয় বছৰীয়া নাবালিকাক অপহৰণ কৰি ধৰ্ষণ কৰি হত্যা কৰাৰ ঘটনা পোহৰলৈ আহিছিল।
আৰক্ষীৰ তথ্য অনুসৰি ২০১৭ চনৰ জানুৱাৰী মাহত মন্দিৰত প্ৰসাদ খাই থকা অৱস্থাত নিৰুদ্দেশ হৈছিল এগৰাকী ছবছৰীয়া কনমানি। প্ৰায় তিনি সপ্তাহৰ পিছত আৰক্ষীয়ে সেই কনমানিৰ মৃতদেহ উদ্ধাৰ কৰিছিল।
শুকুৰবাৰে গুৰুগ্ৰামত এই ঘটনাৰ শুনানি গ্ৰহণ কৰি আদালতে সুনীলক যাৱজ্জীৱন কাৰাদণ্ড বিহে আৰু ২.৫ লাখ টকাৰ জৰিমনা বিহে।
২০১৮ চনৰ নৱেম্বৰ মাহত হে প্ৰথমবাৰৰ বাবে গুৰুগ্ৰামত তিনি বছৰীয়া এটি শিশুক ধৰ্ষণ কৰি হত্যা কৰাৰ অভিযোগত গ্ৰেপ্তাৰ হৈছিল সুনীল।
আৰক্ষীৰ জেৰাৰ সময়ত সুনীলে স্বীকাৰ কৰিছিল ভয়ংকৰ তথ্য, বিগত ৭ বছৰত কমেও ১৫ গৰাকী কনমানিক ধৰ্ষণ কৰি হত্যা কৰিছিল। এই সকলো ঘটনা দিল্লী, গুৰুগ্ৰাম, গ্ৱালিয়ৰ, ঝান্সী আদি ঠাইত সংঘটিত কৰিছিল।
সাধাৰণতে ধৰ্মীয় অনুষ্ঠানৰ সময়ত মানুবৰ ভিৰৰ সুযোগ লৈ কন কন শিশুক লক্ষ্য কৰি লৈছিল সুনীলে, আৰু তাৰ পৰাই অপহৰণ কৰি নি ধৰ্ষণ কৰি হত্যা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
