শনিয়ে যেতিয়া নিজৰ চিধা পথ এৰি বক্ৰী হয়, তেতিয়া তাৰ নিৰ্মম দৃষ্টি আৰু ভয়ানক হৈ উঠে৷ বৰ্তমান শনি বক্ৰীদশাত অৱস্থান কৰি আছে৷ বিগত ৩০ জুনৰ পৰা আৰম্ভ হৈছে শনি মহাৰাজৰ বিপৰীতমুখী চলন, যি আগন্তুক ১৫ নৱেম্বৰ পৰ্যন্ত চলিব৷ এই সময়ত শনিৰ খঙাল দৃষ্টিক চিকাৰ হ’ব পাৰে কেইটামান ৰাশিৰ জাতক৷ বিশেষকৈ যিসকলৰ ওপৰত শনিৰ সাতি দশা আছে তেওঁলোক এই সময়ত সাৱধানে থকাটো জৰুৰী৷ সতৰ্ক নহ’লে বৃহৎ দুৰ্ঘটনাৰ মুখতো পৰিব পাৰে এইসমূহ ৰাশিৰ জাতক৷ জানি থওক বক্ৰী শনিৰ প্ৰভাৱত বিপদৰ আশংকা আছে কেইটামান ৰাশিৰ জাতকৰ৷
মেষ ৰাশি
শনিৰ অশুভ নজৰৰ প্ৰভাৱত এই সময়ত খাটনি বাঢ়িব মেষ ৰাশিৰ জাতকৰ৷ আপুনি এই সময়ত সক্ৰিয় হৈ থাকক৷ আলস্যই গ্ৰাস কৰিলে বিপদ আৰু বাঢ়িব মেষ ৰাশিৰ জাতকৰ৷ সমাজত আপোনাৰ দুৰ্নাম বিয়পিব পাৰে৷ অন্য কোনো স্থানলৈ বদলি হ’বও পাৰে৷ ভাল কাম কৰিলে অৱশ্যে আকৌ উন্নতিৰ পথলৈকে উভতি আহিব৷
সিংহ ৰাশি
১৫ নৱেম্বৰ পৰ্যন্ত এটা পাছত এটা চেলেঞ্জ আহিব সিংহ ৰাশিৰ জাতকৰ জীৱনত৷ নানান কাৰণত আপোনাৰ মন অশান্ত থাকিব৷ এই পৰিস্থিতিত আপোনাৰ সমাজত ,সন্মানহানি হ’ব পাৰে৷ কোনোৱে আপোনাক লৈ বেয়া মন্তব্য কৰিব পাৰে৷ কাৰ্যালয়ত সকলোৰে সৈতে ভাল ব্যৱহাৰ কৰক৷ ভুলতো কাৰো সৈতে বিবাদত সোমাই নপৰিব৷ কিবা মন্তব্য কৰিলেই আপোনাৰ সন্মানহানি হ’ব পাৰে৷
বৃশ্চিক ৰাশি
বক্ৰী শনিৰ প্ৰভাৱত বৃশ্চিক ৰাশিৰ জাতকে নানানধৰণে শাস্তি পাব পাৰে৷ পূৰ্বেই চিন্তা কৰক আপোনাৰ কি কামত শনি ৰুষ্ট হ’ব পাৰে৷ পূৰ্বে কৰা ভুলৰ প্ৰায়শ্চিত্য এতিয়া কৰিবৰ বাবে ভাল সময়৷ নিচাজাতীয় সামগ্ৰীৰ পৰা দূৰৈত থাকক৷ কেতিয়াও কাৰো সৈতে বেয়া ব্যৱহাৰ নকৰিব নহ’লে শনিৰ ৰোষত পৰিব পাৰে৷
মকৰ ৰাশি
শনিৰ চাৰে সাতি দশাৰ শেষ পৰ্যায়ৰ মাজত আছে মকৰ ৰাশিৰ জাতকো৷ বক্ৰী শনিৰ প্ৰভাৱত এই সময়ত এটাৰ পাছত এটা বিপদ আহিব পাৰে আপোনাৰ৷ এই সময়ত বিৰোধীয়ে নানান ধৰণে আপোনাৰ কামত বাধা তৈয়াৰ কৰিব পাৰে৷ এই সময়ত বৃহৎ কোনো সিদ্ধান্ত নল’ব৷
কুম্ভ ৰাশি
শনিৰ চাৰে সাতি দশাত সকলোতকৈ বেয়া সময়ৰ মাজত আছে কুম্ভ ৰাশিৰ জাতকো৷ শনি বক্ৰী হোৱাই তেওঁলোকৰ জীৱনত ভিন্ন সমস্যা আনিব পাৰে৷ এই সময়ত নানান কাৰণত আপোনাৰ মনত ভয় আৰু উদ্বেগ বঢ়াব৷ মাতৃৰ স্বাস্থ্য বেয়া হ’ব পাৰে৷ টেনছন আৰু দৌৰাদৌৰি বাঢ়িব আপোনাৰ৷ চাকৰিতো সমস্যাই দেখা দিব পাৰে৷ চাকৰি পৰিবৰ্তনৰ কথা ভাৱিলে সকলো ভাৱি চিন্তি সিদ্ধান্ত লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
