অসম লাইভ২৪ঃ বৈদিক জ্যোতিষত শনি হৈছে নৱগ্ৰহৰ ভিতৰত অন্যতম গুৰুত্বপূৰ্ণ গ্ৰহ। শনিক কৰ্মফলৰ দেৱতা বুলি কোৱা হয়। স্বয়ং মহাদেৱেই তেওঁক এই দায়িত্ব অৰ্পণ কৰিছিল। যি কোনো কামৰেই ফলাফল শনিয়ে দিয়ে। ভাল কাম কৰিলে শনিৰ আশীৰ্বাদ পোৱা যায়। বেয়া কাম কৰিলে শাস্তি লাভ কৰিব। জ্যোতিষ অনুসৰি কোষ্ঠীত শনিৰ অৱস্থান অতিকৈ গুৰুত্বপূৰ্ণ। শনিৰ ৰাশি পৰিবৰ্তনত বা চলনত বিভিন্ন ৰাশিৰ জাতকৰ ওপৰত উল্লেখযোগ্য প্ৰভাৱ পৰে। আগন্তুক বৰ্ষত শনিয়ে ৰাশি পৰিবৰ্তন নকৰিলেও মাৰ্গী দশা এৰি বক্ৰী দশাত যাব। আগন্তুক বৰ্ষৰ ২৪ জুনত কুম্ভ ৰাশিত বক্ৰী হ’ব শনি। শনিৰ বিপৰীতমুখী চলনৰ প্ৰভাৱ ২০২৪চনত চাৰি ৰাশিৰ ওপৰত পৰিব। জানি লওক আগন্তুক বৰ্ষত বক্ৰী শনিৰ প্ৰভাৱ কোন কোন ৰাশিৰ জাতকৰ ওপৰত পৰিব?
কৰ্কট ৰাশি
জ্যোতিষ গণনা অনুসৰি ২০২৪ চনত কৰ্কট ৰাশিৰ জাতকসকল কিছু পৰিমানে সাৱধান হোৱাটো জৰুৰী। আগন্তুক বছৰত শনিৰ বক্ৰ দৃষ্টি থাকিব কৰ্কট ৰাশিৰ জাতকৰ ওপৰত। আগন্তুক ২৪ জুনৰ পৰা শনিয়ে উল্টা পথত গমন কৰিব। ইয়াৰ ফলত বিভিন্ন সমস্যা আহিব কৰ্কট ৰাশিৰ জাতকৰ ওপৰত। এই সময়ত আপোনাৰ খৰচ বাঢ়িব। চাকৰি পৰিবৰ্তন কৰিবলৈ হ’লে ভাৱিচিন্তি সিদ্ধান্ত ল’ব।
বৃশ্চিক ৰাশি
২৪ জুনৰ পৰা শনিৰ বিপৰীতমুখী চলনৰ অশুভ প্ৰভাৱ পৰিব বৃশ্চিক ৰাশিৰ জাতকৰ ওপৰতো। এই সময়ত আপুনি নতুন কামত হাত নিদিব। এই সময়ত আপুনি জৰুৰী কাম আৰম্ভ কৰিলে ব্যৰ্থ হোৱাৰ সম্ভাৱনাই বেছি। আৰ্থিকভাৱে এই সময় আপোনাৰ বাবে ভাল নহয়। কেৰিয়াৰ সংক্ৰান্তিয় নানান কামত বক্ৰী শনিৰ প্ৰভাৱত চেলেঞ্জৰ মুখামুখি হ’ব বৃশ্চিক ৰাশিৰ জাতক।
মকৰ ৰাশি
আগন্তুক ২৪ জুনত শনিৰ বক্ৰী হ’লে বিপদ বাঢ়িব মকৰ ৰাশিৰ জাতকৰো। শনিৰ অশুভ প্ৰভাৱে আপোনাৰ আত্মবিশ্বাসত প্ৰভাৱ পেলাব। এই সময়ত টকাৰ আদান প্ৰদানৰ ক্ষেত্ৰত সাৱধান হ’ব। সাৱধান নহ’লে ধন অত্যধিক ব্যয় হ’ব পাৰে। স্বাস্থ্য ভালে নাথাকিব এই ৰাশিৰ জাতকৰো।
মীন ৰাশি
মীন ৰাশিতো শনিৰ বক্ৰী দশাৰ প্ৰভাৱ পৰিব। মীন ৰাশিত বৰ্তমান শনিৰ প্ৰভাৱ আছেই। ২৪ জুনত শনিৰ বক্ৰী দশাৰ ফলত যিমানেই পৰিশ্ৰম নকৰক কিয় আকাংশিত ফল নাপাব। সকলো কামতেই অকাৰণে দেৰী হ’ব। নিজৰ খঙৰ ওপৰত নিয়ন্ত্ৰণ ৰাখিব। অন্যথা বিপদ বাঢ়িব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
