১০ কেজি ওজনৰ টিউমানৰ গুচাবলৈ গৈছিল, কিন্তু অপাৰেচন কৰিবলৈ গৈ চিকিৎসক হতভম্ব, লগতে ওলাল…
কেলিফৰ্নিয়াৰ পৰা আহিছে এক আজৱ খবৰ। যি খবৰে চিকিৎসা বিজ্ঞানৰ জগততো কিছু তোলপাৰ সৃষ্টি কৰিছে। এগৰাকী ৪১ বৰ্ষীয় মহিলাৰ লগত সংঘটিত হৈছে এই আজৱ ঘটনা। ঘটনা সন্দৰ্ভত জানিব পৰা অনুসৰি পেটত হোৱা এটা ১০ কেজি ওজনৰ টিউমাৰ গুচাবলৈ গৈছিল এগৰাকী মহিলা। কিন্তু অপাৰেচন কৰিবলৈ গৈ হতভম্ভ হৈ পৰে চিকিৎসক। কাৰণ টিউমাৰৰ লগতে মহিলাৰ পেটৰ পৰা ওলাল এটি পূৰ্ণ বিকশিক সন্তানো। যাৰ বিষয়ে পূৰ্বে অলপো জ্ঞত নাছিল মহিলা কিম্বা চিকিৎসৰ দল।
পেচাত নাৰ্চ সুজ লোপেজ নামৰ কেলিফৰ্নিয়াৰ নিবাসী মহিলা গৰাকী দীৰ্ঘদিন ধৰি পেটত হোৱা টিউমাৰটোৰ বাবে সমস্যা ভুগি আছিল। লাহে লাহে টিউমাৰ বাঢ়ি ২২ পাউণ্ড তথা ১০ কেজি ওজন হয়গৈ। আনহাতে বিগত ১৭ বছৰৰ পৰা দ্বিতীয় সন্তানৰ বাবেও চেষ্টা কৰি আছিল মহিলা। কিন্তু টিউমাৰ হোৱাৰ বাবে সন্তানৰ আশা এৰি দিছিল মহিলা গৰাকীয়ে।
ইফালে টিউমাৰ বৃদ্ধি হোৱাৰ বাবে অসহ্য পেট বিষ আৰু অনিয়মিয়া ঋতুশ্ৰাৱৰ সমস্যাৰ বাবে অন্য কথাত গুৰুত্ব দিয়া নাছিল মহিলাগৰাকী। মাজে মাজে চিকিৎসকৰ কাষ চাপি পৰীক্ষা নিৰীক্ষাও চলাই গৈছিল সুজ লোপেজে। কিন্তু কোনো পৰীক্ষাতে ধৰা পৰা নাছিল কোনো বিসংগতি। কেৱল ধৰা পৰিছিল গৰ্ভাশয়ত থকা টিউমাৰ।
শেষত সেই ১০ কেজি ওজনৰ টিউমাৰ পেটৰ পৰা বাহিৰ কৰাৰ উদ্যেশ্যে হাস্পতালত ভৰ্তি হয় সুজ । অপাৰেচনৰ পূৰ্বে নিয়মমাফিক গৰ্ভধাৰণৰ পৰীক্ষা সম্পন্ন কৰে সুজ লোপেজৰ। পাছে সেই পৰীক্ষাত পজিটিভ আহে। যি দেখি কিছু আচম্বিত হৈ পৰে সকলো। কিন্তু সেয়া বৃহৎ আকাৰৰ টিউমাৰৰ বাবে হোৱা বুলি আউকান কৰে।
কিন্তু অপাৰেচন কৰিলৈ গৈ গৰ্ভাশয়ত টিউমাৰ উদ্ধাৰ হোৱাৰ লগতে গৰ্ভাশয়ৰ কাষত লিভাৰৰ তলতে এটি পূৰ্ণ বিকশিত সন্তানো দেখে। যি চিকিৎসা বিজ্ঞানৰ ক্ষেত্ৰত একপ্ৰকাৰৰ দুৰ্লভ। ইয়াক চিকিৎসা বিজ্ঞানত দুৰ্লভ এব্ডোমিনল এক্টোপিক প্ৰেগনেন্চি বুলি কোৱা হয়। এই ক্ষেত্ৰত শিশু মাতৃৰ গৰ্ভাশয়ৰ বাহিৰত ধাৰণ কৰে।
এই অৱস্থাত শিশু এটি পূৰ্ণ বিকশিত হবলৈ নাপায়, লগতে মাতৃৰ ক্ষেত্ৰতো ই বিপদ্দজনক। এই গৰ্ভধাৰণে মাতৃৰ অত্যাধিক ৰক্তশ্ৰাৱ কৰি মৃত্য়ু পৰ্যন্ত হোৱাৰ আশংকা থাকে। পাছে সুজ লোপেজৰ ক্ষেত্ৰত এনে একো হবলৈ নাপায়। যাৰ বাবে টিউমাৰৰ লগতে সন্তান এটিয়ো গৰ্ভত থকাৰ কথা মাতৃয়ে জানিব পৰা নাছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
