আজিকালি ব্যস্ত জীৱনশৈলীৰ বাবে আমি নিজকে জিৰণি ল’ব নোৱাৰা হৈছে। ইয়াৰ ফলত শৰীৰত ৰোগ প্ৰতিৰোধ ক্ষমতা হ্ৰাস হোৱাৰ লগতে বিভিন্ন সমস্যাই দেখা দিছে। বৰ্তমান সময়ত মূৰৰ বিষ এটা সাধাৰণ সমস্যা হৈ পৰিছে, যিয়ে বহু লোকক অশান্তি দিছে। মানসিক চাপ, টোপনিৰ অভাৱ, ডিহাইড্ৰেচন, স্ক্ৰিন টাইমিং আৰু অন্যান্য কাৰকে ইয়াৰ বাবে অৰিহণা যোগাব পাৰে। মূৰৰ বিষ হ’লে বহুতে চাহ বা কফি একাপ খাবলৈ পছন্দ কৰে। কিন্তু একাংশৰ মতে চাহ বা কফি খালে মূৰৰ বিষ আৰু বেছি বেয়া হ’ব পাৰে। ইয়াৰ আঁৰৰ কাৰণ জানো আহক…
চাহ আৰু কফিৰ প্ৰভাৱ সকলোৰে শৰীৰত একেধৰণৰ নহয় ৷ মূৰৰ বিষৰ সময়ত তেওঁলোকৰ বিষয়ে সঠিক তথ্য থাকিলে যাতে কোনো ধৰণৰ ভুল বুজাবুজিৰ পৰা হাত সাৰিব পাৰে। মূৰৰ বিষৰ সময়ত চাহ বা কফি খাব লাগে নেকি, সকাহ পাবলৈ কি কৰিব লাগে, কি কি লক্ষণে তৎক্ষণাত চিকিৎসকৰ পৰামৰ্শ ল’বলৈ বাধ্য কৰিব, সেই বিষয়ে জানো আহক।
মূৰৰ বিষৰ সময়ত চাহ বা কফি খোৱাটো উচিত নে অনুচিত?
ক্লিভলেণ্ড ক্লিনিকৰ মতে চাহ আৰু কফিত থকা কেফেইনে কিছুমান মানুহৰ মূৰৰ বিষ বা মাইগ্ৰেইনৰ পৰা উপশম ঘটাব পাৰে। সেই কাৰণেই কিছুমান মূৰৰ বিষৰ ঔষধত কেফেইনো যোগ কৰা হয়। অৱশ্যে ইয়াৰ প্ৰভাৱ ব্যক্তিভেদে বেলেগ বেলেগ নহয়। দৈনিক অত্যধিক পৰিমাণৰ কেফেইন সেৱন কৰিলে মূৰৰ বিষ বৃদ্ধি পাব পাৰে।
দৈনিক চাহ বা কফি খাই হঠাৎ সম্পূৰ্ণৰূপে বন্ধ কৰি দিয়া লোকসকলে কেফেইন ত্যাগ কৰিলে মূৰৰ বিষ অনুভৱ কৰিব পাৰে। কেফেইন খোৱাৰ পিছত যদি মূৰৰ বিষ বেছি হয়, তেন্তে ইয়াৰ পৰিমাণ কমাবলৈ বা চিকিৎসকৰ পৰামৰ্শ লোৱাৰ কথা চিন্তা কৰিব লাগে। গতিকে মূৰৰ বিষৰ সময়ত চাহ নে কফি খোৱাটো নিজৰ অভ্যাস আৰু শৰীৰৰ প্ৰতিক্ৰিয়াৰ ওপৰত ভিত্তি কৰি সিদ্ধান্ত লোৱাটোৱেই উত্তম।
মূৰৰ বিষৰ পৰা সকাহ পাবলৈ কি কৰিব?
মূৰৰ বিষ হ’লে প্ৰচুৰ পৰিমাণে পানী খাই শান্ত ঠাইত জিৰণি লওক। যদি আপুনি পৰ্যাপ্ত পৰিমাণে টোপনি পোৱা নাই, তেন্তে জিৰণি ল’বলৈ চেষ্টা কৰক। মোবাইল ফোন, লেপটপ বা টিভিৰ পৰ্দাত দীৰ্ঘ সময় ধৰি চাই থকা এৰাই চলক। যদি উজ্জ্বল পোহৰ বা বিকট শব্দই আপোনাৰ অস্বস্তি কৰে, তেন্তে ইয়াৰ পৰা আঁতৰি থাকক।
সময়মতে খাদ্য গ্ৰহণ কৰক আৰু দীৰ্ঘ সময় ধৰি নিজকে অনাহাৰে থকাৰ পৰা বিৰত থাকক। যদি সঘনাই মূৰৰ বিষ হয় বা তীব্ৰ হয়, তেন্তে চিকিৎসকৰ পৰামৰ্শ নোলোৱাকৈ বাৰে বাৰে বিষৰ ঔষধ সেৱন নকৰিব আৰু ইয়াৰ সঠিক কাৰণ নিৰ্ণয় কৰিবলৈ চিকিৎসকৰ পৰামৰ্শ লওক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
