অসম লাইভ২৪ঃ শিলসাঁকো উচ্ছেদ চলি থকাৰ মাজতেই সকলোৰে দৃষ্টিত এতিয়া হোটেল জিঞ্জাৰত। জিঞ্জাৰ চৰকাৰে ভাঙিব জানো? টাটাৰ শ্বেয়াৰ থকা বিশেষ হোটেলখন ভাঙি হাত গোন্ধোৱাবনে হিমন্ত চৰকাৰে? বহুকেইটা চুক্তি ইতিমধ্যেই টাটাৰ সৈতে অসম চৰকাৰে কৰিছে তেনেক্ষেত্ৰত বুলডʼজাৰৰ আঁচোৰ এই হোটেলত নপৰাটোৱেই ধুৰূপ।
কিন্তু এই উচ্ছেদ সম্পৰ্কত এগৰাকী সামাজিক মাধ্যম ব্যৱহাৰকাৰীয়ে লিখিছে, এই হোটেলত পৰা বুলডোজাৰৰ আঁচোৰেহে মুখ্যমন্ত্ৰীৰ মান ৰক্ষা কৰিব, সন্মান বঢ়াব, নিৰপেক্ষ বুলি প্ৰমান কৰোৱাব।
লগতে ব্যৱহাৰকাৰীজনে লিখিছে, ‘মুখ্যমন্ত্ৰীৰ লগত ৰতন টাটাৰ ব্যক্তিগতভাবে ভাল। ইতিমধ্যে তেওঁক অসম বঁটা দিছেই। কৰ্কট সেৱাৰ সমগ্ৰ আন্তঃগাঁঠনিৰ সৈতে টাটাগ্ৰুপ জড়িত। তেওঁ টাটাক বেলেগ সুবিধা কৰি দিব।
তাজ ভিভান্তাৰ বাবে গুৱাহাটীৰ শ্ৰেষ্ঠ মাটিখিনি পাইছেই। মাত্ৰ ১০ কোটি টকাৰে নিৰ্মিত ঘৰ ভাঙিলে টাটাৰ একো নাহে নাযায়। ইন্সিওৰেন্স বা ক্ষতিপুৰণো পাব পাৰে। তদুপৰি টাটাই দেশৰ স্বাৰ্থত নিজে ভাঙি দিম বুলি কোৱাৰ সম্ভাৱনাও আছে। তাৰ সলনি কিবা আৰু ভাল ডীল পাব হয়তো।’
উল্লেখ্য যে, বাৰে বাৰে ভঙা আৰু বিশ্বৰ বেংক আৰু বিত্তীয় ব্যৱস্থাবোৰৰ পৰা সুদত ধাৰ লৈ আকৌ সাজি সুদ দি ধনী কৰাটো নব্য উদাৰতাবাদী অৰ্থনীতিৰ মূল ৰূপ। সেয়ে এই হোটেলত হাতোঁৰা পৰাৰ পূৰ্ণ সম্ভাৱনাই আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
