অসম লাইভ ২৪ঃ জন্ম দিনৰ প্ৰাকক্ষণত বলিউৰ চুপাৰষ্টাৰ তথা ভাইজান খ্যাত ছলমানৰ সৈতে সংঘটিত হয় এক অঘটন। ৰাষ্ট্ৰীয় সংবাদ মাধ্যমৰ তথ্য অনুসৰি মুম্বাইৰ পনবলত থকা ছলমান খানৰ ফাৰ্ম হাউচত চুপাৰষ্টাৰ গৰাকীয়ে অহা ২৭ ডিচেম্বৰত আহিবলগা নিজৰ ৫৬ সংখ্যক জন্ম দিন আয়োজনৰ বাবে ব্যস্ত হৈ আছিল।
কিন্তু তেনে সময়তে শনিবাৰে অভিনেতা গৰাকীক এডাল সৰ্পই দংশন কৰে। আৰু সৰ্প দংশনৰ লগে লগে অভিনেতা গৰাকীক ভৰ্তি কৰোৱা হয় মহাৰাষ্ট্ৰ গান্ধী মিছন নামৰ চিকিৎসালয় খনত।
ইফালে চিকিৎসকে জনোৱা অনুসৰি বৰ্তমান সম্পূৰ্ণ বিপদ মুক্ত চুপাৰষ্টাৰ ছলমান খান। আৰু শেহতীয়া খবৰ অনুসৰি দেওবাৰে পুৱা ৯ বজাত সুস্থ অৱস্থাত চিকিৎসালয়ৰ পৰা পুনৰ উপস্হিত হয় নিজৰ ফাৰ্ম হাউচখনত।
আৰু এই খবৰে ছালমান খানৰ অনুৰাগীসকলক যথেষ্ট সকাহ প্ৰদান কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
