টাৰ্গেট অসমীয়া শিল্পী ! দিক্ষু, নীলোৎপল বৰা, বিদুৰভাইৰ ইউটিউব কাৰোবাৰ ফেচবুক একাউণ্ট হেক
হেকাৰে এইবাৰ লক্ষ্য কৰি লৈছে অসমৰ শিল্পী সমাজক। কেইবাগৰীক লোকৰ সামাজিক মাধ্যমৰ একাউণ্ট হেক কৰিলে হেকাৰে। ৰাজ্যৰ শিল্পী-কলা-কুশলী আদিৰ ইউটিউব আৰু ফেচবুক একাউণ্ট হেক কৰিলে।
বহুকেইগৰাকী কণ্ঠশিল্পী আৰু ছবিজগতেৰে জড়িত লোকৰ ফেচবুক আৰু ইউটিউব একাউণ্ট পৰিছে হেকাৰৰ কবলত। সদ্যহতে জানিব পৰা মতে জনপ্ৰিয় কণ্ঠশিল্পী দীক্ষু শৰ্মাৰ ফেচবুক একাউণ্ট, নীলোৎপল বৰাৰ ইউটিউব একাউণ্ট হেক কৰিছে দুষ্ট চক্ৰই।
কেৱল কণ্ঠশিল্পীৰেই নহয় ‘বিদুৰভাই’ ৱেব চিৰিজেৰে সমগ্ৰ অসমবাসীৰ হৃদয় জয় কৰা ইউটিউব চেনেলটোও হেক কৰিছে হেকাৰে। সেই ইউটিউব একাউণ্টটো পৰিচালক সৌৰভ কাকতিৰ। ইউটিউব চেনেলটোৰ নাম ROOTSTOCK ENTERTAIMENT .
হেকাৰে কেৱল হেক কৰাই নহয়, এই সামাজিক মাধ্যমৰ একাউণ্ট কেইটা হেকাৰে হেক কৰি নিজৰ নামত লৈ সম্পূৰ্ণৰূপে ডিলিট তথা নাইকিয়া কৰি দিছে। এতিয়া এই একাউণ্ট কেইটাৰ কোনো অস্তিত্বই নাই সামাজিক মাধ্যমত।
উল্লেখ্য যে, কালি ১ এপ্ৰিল তাৰিখে বিদুৰভাইৰ ৱেব চিৰিজ সম্প্ৰচাৰিত হোৱা ROOTSTOCK ENTERTAIMENT নামৰ ইউটিউৱ চেনেলটোত আহিবলগীয়া বিদুৰভাই চিনেমা খনৰ ‘দে ভগৱান’ নামৰ গীতটো মুকলি কৰিছিল। কিন্তু আজি সেই চেনেলটোৱে হেকাৰৰ কবলত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
