ভাৰতৰ ৰাজনীতিত মহিলাৰ অংশগ্ৰহণ পুৰুষৰ তুলনাত তেনেই নগণ্য হ’লেও ভাৰতীয় ৰাজনীতিত মহিলাৰ দপদপনি চকুত লগাই বুলিব পাৰি৷ দেশৰ স্বাধীনতা আন্দোলনতো বহু মহিলা নেত্ৰীয়ে নেতৃত্ব বহন কৰাৰ ইতিহাস আছে৷ স্বাধীনতা আন্দোলনত বহু মহিলা সংগ্ৰামী আৰু মহিলা নেত্ৰীয়ে জীৱন বলিদান কৰাৰো নজিৰ আছে৷
আনহাতে, স্বাধীন ভাৰততো মহিলাই দেশৰ শাসনৰ বাঘজৰী ধৰি আহিছে৷ ইন্দিৰা গান্ধীয়ে দেশৰ প্ৰধানমন্ত্ৰী হিচাপেই নহয়, এগৰাকী ৰাজনীতিবিদ হিচাপে সমগ্ৰ বিশ্বতে প্ৰভাৱ বিস্তাৰ কৰিবলৈ সক্ষম হৈছিল৷
জয়াললিতা, মমতা বেনাৰ্জী, বসুন্ধৰা ৰাজে, উমা ভাৰতী, মেহবুবা মুফটি আদিয়েও ৰাজ্য শাসনৰ বাঘজৰী ধৰি আহিছে৷ দেশৰ ৰাজনীতিত তেওঁলোকে নিজৰ প্ৰভাৱ বিস্তাৰিত কৰিবলৈ সক্ষম হৈছে৷ ইয়াৰ মাজৰ জয়াললিতাই সাংস্কৃতিক জগত বিশেষকৈ চলচ্চিত্ৰ জগতৰ পৰা ৰাজনীতিৰ পথাৰত ভৰি থৈ তামিলনাডুৰ মুখ্যমন্ত্ৰী হৈছিল৷
আজি সাম্প্ৰতিক দেশৰ ৰাজনীতিত নিজৰ সৌন্দৰ্য তথা গ্লেমাৰৰ দ্বাৰা উজলি উঠা কেইগৰাকীমান ভাৰতীয় মহিলা ৰাজনীতিকৰ বিষয়ে আলোচনা কৰিবলৈ বিচাৰিছো৷
লগতে পঢ়ক যজ্ঞৰে মহিলাৰ কুচত সন্তান দিয়াৰ লোভ! ভক্ত মহিলাক ধৰ্ষণ কৰি গ্ৰেপ্তাৰ স্বয়ম্ভূ ধৰ্মীয় গুৰু
১. নুছৰত জাহান
নুছৰত জাহান এগৰাকী অতি গ্লেমাৰাছ ভাৰতীয় চলচ্চিত্ৰ অভিনেত্ৰী তথা ৰাজনীতিবিদ। বাংলা চিনেমাত তেওঁ এক বিশেষ স্থান দখল কৰিছে। ১৯৯০ চনৰ ৮ জানুৱাৰীত কলকাতাত জন্মগ্ৰহণ কৰিছিল। নুছৰত জাহানে ভৱানীপুৰ এডুকেচন ছ’চাইটি কলেজৰ পৰা শিক্ষা সমাপ্ত কৰে। ২০১৯ চনত তেওঁ সক্ৰিয় ৰাজনীতিত প্ৰৱেশ কৰি বসীৰহাটৰ পৰা তৃণমূল কংগ্ৰেছৰ প্ৰাৰ্থী হিচাপে প্ৰতিদ্বন্দ্বিতা কৰিছিল। নুছৰত জাহানে ২০১১ চনত ৰাজ চক্ৰৱৰ্তীৰ ‘শোত্ৰু’ ছবিৰ জৰিয়তে চলচ্চিত্ৰৰ জগতত অভিষেক ঘটায়। ২০১৯ চনত নিখিল জৈনৰ সৈতে বিবাহপাশত আবদ্ধ হৈছিল।
২. দিব্য স্পন্দনা
অতি সৌন্দৰ্যৱতী দিব্য স্পন্দনা চলচ্চিত্ৰ জগতত ৰম্যা নামেৰে জনাজাত। দক্ষিণ ভাৰতৰ এগৰাকী বিখ্যাত অভিনেত্ৰী যিয়ে কানাড়া ছবিৰ লগতে তামিল আৰু তেলেগু ভাষাৰ ছবিত অভিনয় কৰিছে। ১৯৮২ চনৰ ২৯ নৱেম্বৰত বাংলালুৰুত জন্মগ্ৰহণ কৰিছিল। তেওঁৰ প্ৰথমখন ছবি আছিল ২০০৮ চনত মুক্তি লাভ কৰা কানাড়া ছবি ‘মুছাঞ্জাইমাতু’। এই ছবিখনে বৃহৎ সফলতা লাভ কৰিছিল। ২০১৩ চনত কৰ্ণাটকৰ মাণ্ডিয়া সমষ্টিৰ পৰা উপ-নিৰ্বাচনত জয়ী হৈ ভাৰতীয় জাতীয় কংগ্ৰেছৰ সদস্য হিচাপে ৰাজনীতিত প্ৰৱেশ কৰিছিল ৰম্যাই।
৩. অলকা লাম্বা
আড়ম্বৰপূৰ্ণ ৰাজনীতিবিদৰ উপৰিও আলকা লাম্বা সৌন্দৰ্যৰ বাবেও পৰিচিত। ১৯ বছৰ বয়সত তেওঁ কংগ্ৰেছৰ ছাত্ৰ সন্থা এন এছ ইউ আইত যোগদান কৰে। যুৱক-যুৱতীসকলক সবলীকৰণৰ লক্ষ্যৰে তেওঁ ‘গো ইণ্ডিয়া ফাউণ্ডেশ্যন’ নামৰ এটা বেচৰকাৰী সংস্থা আৰম্ভ কৰে। ২০ বছৰতকৈ অধিক সময় কংগ্ৰেছৰ সৈতে জড়িত হৈ থকাৰ পিছত আম আদমী পাৰ্টীত যোগদান কৰি ২০১৫ চনৰ ফেব্ৰুৱাৰী মাহত চান্দনী চৌকৰ পৰা দিল্লী বিধানসভালৈ নিৰ্বাচিত হয়।
লগতে পঢ়ক একেলগে ১৮ প্ৰেমিকেৰে প্ৰেমৰ হাই ভল্টেজ নাটক! ২.৩ কোটি টকা আত্মসাৎ কৰি গ্ৰেপ্তাৰ কোন মডেল?
৪. ডিম্পল যাদৱ
ডিম্পল যাদৱ এগৰাকী সুন্দৰী আৰু গ্লেমাৰাছ ৰাজনীতিবিদ। কন্নৌজৰ পৰা দুবাৰকৈ সমাজবাদী পাৰ্টীৰ সাংসদ হিচাপে কাৰ্যনিৰ্বাহ কৰি আহিছে। তেওঁ উত্তৰ প্ৰদেশৰ প্ৰসিদ্ধ ৰাজনৈতিক পৰিয়ালৰ বোৱাৰী। তেওঁৰ স্বামী অখিলেশ যাদৱ আৰু শহুৰেক মুলায়ম সিং যাদৱ দুয়োগৰাকী উত্তৰ প্ৰদেশৰ প্ৰাক্তন মুখ্যমন্ত্ৰী।
৫. গুল পনাগ
গুল পানাগ এগৰাকী প্ৰাক্তন বিউটি কুইন, ভাৰতীয় অভিনেত্ৰী আৰু ৰাজনীতিবিদ। ২০০৩ চনত ধূপ নামৰ ছবিখনেৰে তেওঁ বলীউডত আত্মপ্ৰকাশ কৰিছিল। বহু চলচ্চিত্ৰ আৰু টিভি ছিৰিয়েলত তেওঁ কাম কৰিছে। ২০১৪ চনৰ লোকসভা নিৰ্বাচনত চণ্ডীগড়ৰ পৰা আম আদমী পাৰ্টিৰ প্ৰাৰ্থী হিচাপে প্ৰতিদ্বন্দ্বিতা কৰিছিল।
৬. আংগুৰলতা ডেকা
আংগুৰলতা ডেকা এগৰাকী মডেল তথা অভিনেত্ৰীৰ লগতে ভাৰতীয় জনতা পাৰ্টিৰ এগৰাকী সুন্দৰী নেত্ৰী। তেওঁ অসমীয়া চলচ্চিত্ৰত কাম কৰিছে। ২০১৬ চনৰ পৰা অসমৰ বটদ্ৰৱা সমষ্টিৰ ভাৰতীয় জনতা পাৰ্টীৰ পৰা বিধায়িকা হোৱা আংগুৰলতা বৰ্তমান অসম প্ৰদেশ বিজেপিৰ মহিলা মৰ্চাৰ সভানত্ৰী৷ বিভিন্ন সময়ত বিতৰ্কিত মন্তব্যৰে আংগুৰলতা ডেকাই অসমৰ ৰাজনীতিত চৰ্চিত হৈ থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
