বলীউডত সুন্দৰী আৰু ষ্টাইল ষ্টেটমেন্টৰ বাবে পৰিচিত উৰ্বশী ৰৌটেলা। অনুৰাগীৰ মাজত উৰ্বশীৰ প্ৰতি থকা উন্মাদনাটো চাবলগীয়া। এক নতুন সাক্ষাৎকাৰত অভিনেত্ৰীগৰাকীয়ে প্ৰকাশ কৰিছে যে তেওঁ কেইবাটাও বিবাহৰ প্ৰস্তাৱ পাইছে। উৰ্বশীয়ে এনে এটা প্ৰস্তাৱৰ কথা ক’লে, আপুনিও শুনি হতভম্ব হ’ব।
উৰ্বশী ৰৌটেলাক এগৰাকী ইজিপ্তৰ কণ্ঠশিল্পীয়ে বিবাহৰ বাবে প্ৰস্তাৱ আগবঢ়াইছিল৷ কণ্ঠশিল্পীগৰাকীৰ ২ গৰাকী পত্নী থকাৰ লগতে দুয়ো পত্নীৰ ফালৰ পৰা ৪ টাকৈ সন্তানো আছে৷
সাক্ষাৎকাৰটোত উৰ্বশী ৰৌটেলাক সোধা হৈছিল যে কেতিয়াবা কোনো অদ্ভুত অফাৰ পাইছে নেকি? তেতিয়া উৰ্বশীয়ে কয় যে এবাৰ ইজিপ্তৰ এজন গায়কে তেওঁক বিয়াৰ প্ৰস্তাৱ দিছিল। সাংস্কৃতিক পাৰ্থক্যৰ বাবে উৰ্বশীয়ে কণ্ঠশিল্পীগৰাকীক নাকচ কৰিলে।
লগতে পঢ়ক দীৰ্ঘদিনৰ প্ৰেমৰ সম্পৰ্কই পালে পূৰ্ণতা! দুই সমকামী পুৰুষৰ বিবাহ সম্পন্ন
বলীউড হাংগামাৰ সৈতে হোৱা এক সাক্ষাৎকাৰত উৰ্বশীয়ে কয় যে, “মই বহু প্ৰস্তাৱ প্ৰত্যাখ্যান কৰিছো। কিন্তু এটা প্ৰস্তাৱত বহু সাংস্কৃতিক পাৰ্থক্য দেখা গৈছিল। এজন ব্যক্তিয়েও নিজৰ পৰিয়ালৰ কথা চিন্তা কৰা উচিত। বিশেষকৈ মহিলাসকলৰ বাবে চিন্তা কৰাটো উচিত।’’
সাক্ষাৎকাৰত উৰ্বশীক সোধা হৈছিল যে ডুবাইত লগ পোৱা গায়িকাগৰাকী ইজিপ্তৰ নেকি? উৰ্বশীয়ে উত্তৰ দিলে, “হয়, কিন্তু সেই মানুহজনৰ ইতিমধ্যে দুগৰাকী পত্নী আৰু চাৰিটা সন্তান আছে৷ মই ক’ত থাকিব বিচাৰো বা তেওঁলোকে ইয়াত আহি থাকিব বিচাৰে নে সেইটো মই সিদ্ধান্ত ল’ব বিচৰা নাছিলো।’’
ইফালে উৰ্বশীয়ে কণ্ঠশিল্পীগৰাকীৰ নাম প্ৰকাশ কৰা নাই যদিও এজন অনুৰাগীয়ে তেওঁৰ সাক্ষাৎকাৰৰ ভিডিঅ’টোত মন্তব্য কৰি কৈছে যে কণ্ঠশিল্পীগৰাকী ‘মহম্মদ ৰমজান।’
দৰাচলতে ইজিপ্তৰ অভিনেতা-গায়ক মহম্মদ ৰামজানক অভিনয় কৰা মিউজিক ভিডিঅ’ ভাৰ্চাচে বেবীৰ জৰিয়তে উৰ্বশী ৰৌটেলাই আন্তঃৰাষ্ট্ৰীয় পৰ্যায়ত অভিষেক ঘটায়। ২০২১ চনত মুক্তি লাভ কৰিছিল ভিডিঅ’টো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
