সোনমেই মূল মাষ্টাৰমাইণ্ড, স্বামীক শেষ কৰাৰ পাছত ইন্দোৰলৈ উভতনি যাত্ৰা, ইন্দোৰত উপস্থিত হৈ প্ৰেমিক ৰাজৰ সৈতে হোটেলৰ কোঠাত নিশা উদযাপন, আৰু নতুন কি কি তথ্য?

২১ মেত অভিযুক্তসকলে গুৱাহাটীলৈ আহি তাৰপৰা আকৌ মেঘালয়লৈ গৈ সোনমৰ হোম ষ্টেৰ কাষতেই এক হোটেল লৈছিল৷ ২৩ মে ত অপৰাধ কৰাৰ পাছত আকৌ গুৱাহাটীলৈ উভতি আহে৷ সোনমেও ২৩ মেত ট্ৰেনত উঠি গুৱাহাটীৰ পৰা ইন্দোৰলৈ যাত্ৰা কৰে৷ ২৫ মেত ইন্দোৰত উপস্থিত হৈ তাৰপৰা প্ৰেমিক ৰাজ কুশৱাহাক লগ ধৰে৷ ৰাজৰ সৈতে ইন্দোৰৰ এটা ভাড়া ঘৰত এদিন কটাই দুয়ো৷ তাৰপাছতেই এজন ড্ৰাইভাৰে তেওঁক বেনাৰসত নমাই দিয়ে৷ বেনাৰসৰ পৰা সোনম আহে গাজীপুৰলৈ৷ হত্যাৰ পাছতেই সোনম আৰু তেওঁৰ প্ৰেমিক ৰাজৰ মাজত বিভিন্ন বাৰ্তালাপৰ স্থিৰচিত্ৰও পোৱা গৈছে৷ শ্বিলং আৰক্ষীয়ে প্ৰায় ৪২ টা চিচিটিভি ফুটেজ লাভ কৰিছে৷ অভিযুক্তসকলে গুৱাহাটীৰ হোটেলৰ বাহিৰৰ এখন দোকানৰ পৰা অস্ত্ৰ ক্ৰয় কৰিছিল৷ অভিযুক্তই ট্ৰেইনত গুৱাহাটীলৈ আহিছিল৷ আৰক্ষীয়ে জনাইছে যে সোনমে তেওঁৰ স্বামীক হত্যাৰ প্লেনিং লৈয়েই আনিছিল৷